جىل ساناپ سالاۋاتتى ءومىر سالتىن ۇستاعان مەركىلىكتەردىڭ سانى ارتىپ كەلەدى.بۇگىندە اۋدان تۇرعىندارىنىڭ 29،8 پايىزى تۇراقتى تۇردە دەنە شىنىقتىرۋ جانە سپورتپەن شۇعىلدانۋشىلاردىڭ قاتارىنا جاتادى. بۇل ورايدا ولاردىڭ اۋداندا ولارعا قاجەتتى سپورتتىق ينفراقۇرىلىمدار سانى دا ارتا تۇسكەن، دەپ جازادى Qamshy.kz اقپارات اگەنتتىگى. 

قازىرگى تاڭدا اۋدانداعى سپورت نىساندارىنىڭ جالپى سانى 215ء-تى قۇرايلى. ونىڭ ىشىندە 1 ستاديون، 36 سپورتتىق زالى، 13 ارنايى ورناتىلعان سپورتزالدار، 12 اتقىش ءتيرى، 38 فۋتبول الاڭى، 115 سپورتتىق الاڭشالارى بار. زامان اعىمىنا ساي ستريتۆوركاۋتپەن اينالىسۋشىلارعا 10 سپورتتىق الاڭشا قىزمەت كورسەتەدى. ءدال وسى سپورتتىق نىسانداردىڭ مۇمكىندىگىن پايدالانىپ 25270 مەركىلىك تۇراقتى تۇردە سپورتتى جانىنا سەرىك ەتكەن. وتكەن جىلدىڭ ەسەپتى كەزەڭىمەن سالىستىرعاندا ايماقتاعى سپورتپەن شۇعىلدانۋشىلار سانى 584 ادامعا كوبەيگەن. جادپى دەنە شىنىقتىرۋ جانە سپورتپەن شۇعىلدانۋشى 6730 مەركىلىكتىڭ جاسى ءالى 14 جاسقا تولماعان. ال قالعان 13050 سپورتشى جاستار ساناتىنا جاتادى. 29 جاستان اسقان سپورتشىلاردىڭ جالپى سانى 5490 ادامدى قۇرايدى.

ءقازىر اۋدانداعى №16، №17، №18 سپورت مەكتەپتەرى مەن بالالار اۋلا كلۋبتارىندا 2010 وقۋشى 13 سپورت ءتۇرى بويىنشا سپورتپەن شۇعىلدانادى. بۇل اۋدانداعى 7-18 جاس ارالىعىنداعى مەكتەپ وقۋشىلارىنىڭ 13،4 پايىزىن قۇراپ وتىر. اۋدان سپورتشىلارى، الەم چەمپيوناتتارى، حالىقارالىق، ازيا، رەسپۋبليكالىق سپورتتىق سايىستاردان ۇنەمى جەڭىس تۇعىرىنان كورىنىپ كەلەدى. جىل باسىنان بەرى بايراقتى باسەكەلەردە اۋدان، وبلىس، رەسپۋبليكا نامىسىن قورعاعان مەركىلىك سپورتشىلار 219 رەت التىننان القا تاعىندى. ال 248 سپورتشى جەڭىس تۇعىرىنىڭ ەكىنشى ساتىسىنان كورىنسە، 397 سپورتشى قولا مەدالدى جەڭىپ العان.

سپورت–الەمدىك ارەناعا ەلدىڭ اتىن تانىتۋدىڭ قۇرالى. وليمپ شىڭىن باعىندىرعان جەڭىمپازدار قۇرمەتىنە ونىڭ مەملەكەتىنىڭ كوك تۋى جەلبىرەپ، ءانۇرانى شىرقالادى. سول سەبەپتەن دە تاۋەلسىزدىكتىڭ العاشقى جىلدارى-اق ەلىمىزدە بۇقارالىق سپورتتى دامىتۋعا ايرىقشا كوڭىل ءبول. بۇل ورايدا جەرگىلىكتى جەرلەردەگى سپورت نىساندارىنىڭ سانى ارتىپ، ولاردى بىلىكتى باپكەرلەر تۇرعىنداردى سپورتقا باۋلي باستادى. سايكەسىنشە جوعارى دا كەلتىرىلگەن دەرەكتەر بۇل سالاعا مەركى اۋدانىندا ءتيىستى دەڭگەيدە كوڭىل بولىنەتىندىگىن اڭعارتادى.