«ارداگەرلەر ۇيىمى» رەسپۋبليكالىق قوعامدىق بىرلەستىگىنىڭ جامبىل وبلىسىنداعى فيليالى 2016 جىلدان كۇنى بۇگىنگە دەيىن اتقارعان جۇمىستارى تۋراسىندا پلەنۋم وتكىزدى. ەسەپتى ءۇش جىل ارالىعىندا جۇزەگە اسقان ىستەردى بايانداعان وبلىستىق ارداگەرلەر كەڭەسىنىڭ ءتوراعاسى ەركىمبەك سولتىبايەۆتىڭ مالىمدەۋىنشە، وڭىرىمىزدەگى باستاۋىش ارداگەرلەر ۇيىمدارىنىڭ سانى ءبىرشاما ازايعان. ناقتى ايتقاندا 997-دەن 939-عا كەمىپتى. بۇل اۋىلداردا حالىقتىڭ كوشىپ-قونۋى جانە جاقىن قۇرىلعان باستاۋىش ارداگەرلەر ۇيىمدارىنىڭ بىر-بىرىمەن قوسىلۋىنىڭ سالدارىنان بولىپ وتىر. اسىرەسە، قورداي اۋدانىندا 98-دەن 80-گە، تالاس اۋدانىندا 110-نان 61-گە ازايسا، سارىسۋ اۋدانىندا كەرىسىنشە 9-عا كوبەيگەن.

ارداگەرلەردىڭ بوس ۋاقىتتارىن ءتيىمدى پايدالانۋلارى مەن سالاۋاتتى ءومىر سالتىن ناسيحاتتاۋلارى ءۇشىن «ارداگەرلەر ورتالىعى» عيماراتىنان «بەلسەندى ۇزاق ءومىر ءسۇرۋ» ورتالىعى اشىلعان. وندا ارداگەرلەرگە بارىنشا جاعداي جاسالعان. بىلىكتى دارىگەر اپتاسىنا ەكى رەت كەلىپ، قان قىسىمىن ولشەپ، دارىگەرلىك كەڭەستەر بەرىپ تۇرادى. پسيحولوگتار ارداگەرلەردىڭ سۇرانىمى بويىنشا جەكە قابىلداۋلار وتكىزىپ، ءار ءتۇرلى تاقىرىپتارعا لەكسيالار وتكىزىلەدى. قايرات رىسقۇلبەكوۆ ساياباعى مەن «تاراز-ارەنا» سپورت كەشەنىن دە ءتيىمدى پايدالانۋدا. تۋريستىك جولدامالارمەن قاريالاردى تاريحي ورىندارعا ساياحاتتاتۋ، تابيعات اياسىندا سەرۋەندەۋ شارالارى دا نازاردان تىس قالماعان. وسىنداي ءىس-شارالارعا وبلىستىق، قالالىق، اۋداندىق اكىمدىكتەر، دەمەۋشىلەر كومەكتەسۋدە. قازىنالى قارتتاردى قادىرلەگەن بارشاعا 125 مىڭنان اسا ارداگەرلەردىڭ اتىنان ەركىمبەك بەيسەمبەك ۇلى شەكسىز العىسىن ايتتى.

-مەملەكەت باسشىسى قاسىم-جومارت توقايەۆ «سىنلارلى قوعامدىق ديالوگ-قازاقستان تۇراقتىلىعى مەن وركەندەۋىنىڭ نەگىزى» اتتى قازاقستان حالقىنا جولداۋىندا ەل دامۋىنا تىڭ سەرپىن بەرەتىن قاداۋ-قاداۋ مىندەتتەرگە توقتالدى. ينۆەستيسيالىق كليماتتى جاقسارتۋ، شاعىن جانە ورتا كاسىپكەرلىكتى دامىتۋ، ەكونوميكانى وركەندەدۋ، مۇنىڭ ءبارى دە تۇعىنداردىڭ تۇرمىس-تىرشىلىگىن جاقسارتۋعا باعىتتالعان قادامدار. سونىمەن قاتار ءبىلىم بەرۋ، دەنساۋلىق ساقتاۋ، مادەنيەت، قۇقىق قورعاۋ سالالارىنا قاتىستى دا ناقتى مىندەتتەر ايقىندالدى. جولداۋ جۇكتەگەن مىندەتتەردى ىسكە اسىرۋ جولىندا الدىڭعى تولقىن اعالار، جەرگىلىكتى جەرلەردەگى ارداگەرلەر كەڭەستەرى ايانىپ قالمايدى، -دەيدى جامبىل وبلىستىق ارداگەرلەر كەڭەسىنىڭ ءتوراعاسى ەركىمبەك سولتىبايەۆ.