قالالىق ساۋلەت جانە قالا قۇرىلىسى ءبولىمىنىڭ ەكى جىلدىق جۇمىس قورىتىندىسى بويىنشا، ولار سەمەي قالاسىنىڭ پوليسيا باسقارماسىمەن بىرلەسىپ، قالاداعى جارناما قۇرىلىمدارىن جيناقتاۋ بويىنشا 40 بيلبورد پەن 250 اسا ۇساق جارناما وبەكتىلەرىن بولشەكتەگەن.
قالالىق ساۋلەت جانە قالا قۇرىلىسى ءبولىمىنىڭ باس مامانى ەرمەك اقانوۆتىڭ ايتۋىنشا، بۇل جارناما نىساندارى ستاندارتتارعا سايكەس كەلمەيدى. كەيبىرى ەسكىرگەن بولسا، وزگەلەرى بەلگىلەنبەگەن جەرلەردە ورناتىلعان.
– وكىنىشكە وراي، ءبىزدىڭ بايقاعانىمىزداي، كوپتەگەن ساۋدا ۇيلەرىندە، ۇلكەن سۋپەرماركەتتەردە جارناما رەتسىز ورنالاسقان. بۇل – قالانىڭ ەستەتيكالىق كەلبەتىنە زيان كەلتىرەدى. سوندىقتان تالاپتارعا ساي كەلمەيتىن جارناما نىساندارى الىنىپ تاستالدى. بۇل باعىتتاعى جۇمىستار ءالى دە جالعاساتىن بولادى، – دەدى ەرمەك اقانوۆ.
جۇمىس بارىسىندا قالانىڭ سىرتقى كەلبەتىن جاقسارتۋ ءۇشىن كوپتەگەن ساۋدا دۇڭگىرشەكتەرىنەن باس تارتۋعا تۋرا كەلگەن. مىسالى، سوڭعى ەكى جىلدا قالادا 70-كە جۋىق دۇڭگىرشەك پەن 50-دەن استام مەتالل گاراجدار الىنىپ تاستالدى.
سەمەي قالاسىنىڭ اقپاراتتىق ورتالىعى
پىكىر قالدىرۋ