مەملەكەت باسشىسى ق.توقايەۆتىڭ قازاستان حالقىنا ارناعان العاشقى جولداۋىندا جۇكتەگەن تاپسىرمالارعا سايكەس، جامبىل وبلىسىندا شاعىن جانە ورتا كاسىپكەرلىكتىڭ كوكجيەگى كەڭەيىپ كەلەدى. مەملەكەت قامقورلىعىنىڭ ارقاسىندا ءوز جۇمىسىن جولعا قويعان بيزنەس-قۇرىلىمنىڭ ءبىرى- «GOODZHEM» كومپانياسى.

كومپانيا ءتورت تۇلىك تۇرلەرىنە ارنالعان جوعارى ساپالى قۇراما جەم وندىرەدى. وندىرىستىك كەشەندى قۇرۋ 4 نەگىزگى كەزەڭگە بولىنگەن. ولاردىڭ ۇشەۋى زاۋىتتىڭ قۇرىلىسى مەن ۇلكەن جانە ورتا ەليەۆاتوردى قوسا ەسەپتەگەندە جۇزەگە اسىپ وتىر.

2017 جىلىڭ 1 جەلتوقسانىندا ىسكە قوسىلعان «Good Look ساۋدا ءۇيى» ج ش س بۇگىنگى كۇنى تاۋارلى برەندىن قالىپتاستىرىپ، وبلىسقا عانا ەمەس ەلىمزدىڭ نارىعىندا جاقسى تانىلىپ وتىر. كاسىپورىن ءقازىر «GOODZHEM» تاۋارلى ماركاسىمەن ءىرى شارۋاشىلىقتار مەن قوجالىقتارعا جەم ونىمدەرىن ۇسىنۋدا. اتاپ ايتقاندا ءىرى قارا، جىلقى مەن ۇساق مالعا، تاۋىقتارعا قاجەتتى جەم وندىرەدى. تاۋلىگىنە 480 توننا ءونىم ءوندىرىپ وتىرعان كاسىپورىن الەۋەتى جوعارى. وندىرىسكە جاڭا تەحنولوگيالاردى دا ەندىرىپ وتىر.

جامبىل وبلىسى اكىمى اپپاراتىنىڭ «قوعامدىق كەلىسىم» كمم وكىلدەرى ارنايى ات باسىن بۇرىپ، جەرگىلىكتى بيۋدجەتتى ءتيىمدى پايدالانۋدى قامتاماسىز ەتۋ جانە اگروونەركاسىپتىك سەكتور سالاسىنداعى پروگرەسسيۆتى تەحنولوگيالاردى ىلگەرىلەتۋ جۇمىستارىنا تارتۋ بويىنشا جول كارتاسىنا سايكەس جۇزەگە اسىرىلىپ جاتقان جۇمىستارمەن تانىستى. الدىمەن سەرىكتەستىكتىڭ ساتۋ ءبولىمىنىڭ باسشىسى مۇحامەد ۇسەنبايەۆ سەرىكتەستىك ونىمدەرى بۇگىنگى كۇنى تۇركىمەنستان، وزبەكستان، تاجىكستان مەملەكەتتەرىنە ەكسپورتتالىپ وتىرعاندىعىن العا تارتتى. مۇندا 25 جەرگىلىكتى ازامات تۇراقتى جۇمىسقا تارتىلعان. ءقازىر وبلىستىڭ بارلىق اۋداندارىنداعى قوجالىق يەلەرىمەن دە تىعىز جۇمىس جۇرگىزىلۋدە. ال كاسىپورىنداعى وندىرىستىك قاۋىپسىزدىك جولعا قويىلعان. كاسىپورىنداعى قۇرىلعىلاردىڭ دەنى – اۆتوماتتاندىرىلعان.

–سۋبسيديا ماسەلەسى بويىنشا وبلىستىق اۋىل شارۋاشىلىق باسقارماسىنا حات تۇسىردىك. ويتكەنى، بىلتىر جەرگىلىكتى قوجالىق يەلەرى سۋبسيديا الاتىن. ياعني، شارۋالارعا جەم 60 تەڭگەدەن ساتىلسا، ونىڭ 20 تەڭگەسىن مەملەكەت تولەپ كەلگەن ەدى. ال بيىل سۋبسيديا قاراستىرىلىپ وتىرعان جوق. ءقازىر ءونىم 100-200 تەڭگە ارالىعىندا ساتىلادى. سونداي-اق جەم قوسپالارىنا شارۋالاردىڭ ءوتىنىشى بويىنشا مولشەرلەپ قوسامىز. ال جەكە تۇرعىندار ءۇشىن سەرىكتەستىك ورنالاسقان عيمارات الدىندا ارنايى كونتەينەردە جەم ساۋدالانادى. ساۋدا نۇكتەلەرى بازارلاردا بار، – دەيدى مۇحامەد ۇسەنبايەۆ.

سەرىكتەستىكتەگى قۇرىلعىلار گەرمانيا، ۋكراينا مەملەكەتتەرىنەن الىنعان. ەندى ەليەۆاتور قۇرىلىسىنا تۇركيادان قۇرىلعىلار جەتكىزىلمەكشى ەكەن. سەرىكتەستىكتە بۇل ەڭبەك ونىمدىلىگىنىڭ جوعارى ەكەنىن كورسەتسە كەرەك-تى. شارا بارىسىندا جامبىل وبلىسى اكىمى اپپاراتىنىڭ «قوعامدىق كەلىسىم» كمم ادىستەمەلىك ءبولىمىنىڭ ادىسكەرى كەنجەباي ومىربەكوۆ جامبىل وبلىسى قحا «اقجەلكەن» جاستار ليگياسىنىڭ مۇشەلەرىنە ءوندىرىسى وركەندەگەن سەرىكتەستىكتەگى جۇمىس قارقىنى مەن ەنگىزىلگەن جاڭا تەحنولوگيالار جايىندا ايتىپ بەردى.