بۇگىندە الەۋمەتتىك قورعاۋعا مۇقتاج جاندارعا بارىنشا قولداۋ كورسەتىلۋدە. وعان دالەل جامبىل وبلىسى مويىنقۇم اۋدانىندا 2019 جىلعا جاڭا فورماتتاعى اتاۋلى الەۋمەتتىك كومەككە 426،6 ملن. تەڭگە (ونىڭ ىشىندە جەرگىلىكتى بيۋدجەتتەن 23،6 ملن.تگ تەڭگە) قاراستىرىلعان. بارلىعى 835 وتباسىدان اتاۋلى الەۋمەتتىك كومەككە ءوتىنىش ءتۇسىپ، تەڭگەلەرى بەكىتىلگەن، دەپ جازادى Qamshy.kz اقپارات اگەنتتىگى.
قالعان 736 وتباسىنا 394،6 ملن تەڭگە تاعايىندالىپ، بۇگىنگى كۇندە جىل باسىنان بەرى قاراي 574 وتباسىنا 325،0 ملن تەڭگە تولەندى. سونىمەن قاتار، اتاۋلى الەۋمەتتىك كومەكتى تاعايىنداۋ بارىسىندا بەكىتىلگەن نورماتيۆتىك راسىمدەردىڭ ساقتالۋىن، الۋشىلاردىڭ تابىسىن جاسىرۋ، فورمالدى جۇمىستان شىعۋ، جەكە كاسىپكەرلىكتى اشۋ نە توقتاتۋ، سونداي-اق جالعان نەكە بۇزۋ، تۇرعىلىقتى مەكەن-جايلارىن اۋىستىرۋ فاكتىلەرىن انىقتاۋ ماقساتىندا اعىمداعى جىلدىڭ تامىز ايىندا رەسپۋبليكالىق ەڭبەك رەسۋرستارىن باقىلاۋ ورتالىعىنان 2019 جىلدىڭ 1، 2 جانە 3 توقساندارىنىڭ قورىتىندىسى بويىنشا (1-توقسان 11 ازامات، 2-توقسان 9 ازامات، 3-توقسان 23 ازامات) 45 ازاماتتىڭ العان اتاۋلى الەۋمەتتىك كومەكتەرىن قايتارتۋ جونىندە ءتىزىمى كەلىپ، اتالعان ءتىزىمدى انىقتاۋ بارىسىندا 2 ازاماتتىڭ مىندەتتى زەينەتاقى جارنالارىنىڭ قاتە تولەنگەنى انىقتالسا، 43 ازاماتتىڭ قايتارۋعا جاتاتىن اتاۋلى الەۋمەتتىك كومەكتىڭ جالپى سومماسى 4،2 ملن تەڭگە، قايتارىلعانى 1،1 ملن تەڭگە، قالعانى 3،1 ملن تەڭگە. ورىندالۋ پايىزى 24،1 پايىزدى قۇراپ وتىر (قايتارۋ قارجىسى ءبولىنىپ تولەنۋىنە بايلانىستى جىل سوڭىنا دەيىن جالعاسادى).
سونىمەن قاتار، مويىنقۇم اۋدانى اكىمدىگىنىڭ جۇمىسپەن قامتۋ جانە الەۋمەتتىك باعدارلامار ءبولىمى، حالىقتى جۇمىسپەن قامتۋ ورتالىعى ماماندارىمەن جانە اۋىلدىق وكرۋگى اكىمدىگىنىڭ جانىنان قۇرىلعان ۋچاسكەلىك كوميسسيا قۇرامىمەن بىرىگىپ ءۇي-ۇيدى ارالاۋ بارىسىندا اتاۋلى الەۋمەتتىك كومەكتەن ءوز ءوتىنىشى بويىنشا 132 وتباسى باس تارتتى.
مۇمكىندىگى شەكتەۋلى ازاماتتارعا جەكە وڭالتۋ باعدارلاماسىنىڭ نەگىزىندە ەسەپتى كەزەڭدە 37،0 ملن. تەڭگە ءبولىنىپ، ونىڭ ىشىندە 70 ادامعا گيگيەنالىق قۇرال الۋعا، جەكە كومەكشىگە 68 ادامعا، 37 ادامعا ۇيدەن الەۋمەتتىك كومەك كورسەتۋگە جانە ۇيدەن وقىتىلاتىن 21 بالاعا بارلىعى 196 ادامعا الەۋمەتتىك كومەك تاعايىندالىپ تولەندى.
ءبىرجولعى الەۋمەتتىك كومەككە جەرگىلىكتى بيۋدجەتتەن بارلىعى 7،5 ملن. تەڭگە ءبولىنىپ، مەرەكە كۇندەرىنە وراي 95 ازاماتقا 5،5 ملن تەڭگەنىڭ كومەگى، وتباسى جاعدايىن بايلانىستى 9 ازاماتقا 270،0 مىڭ. تەڭگەنىڭ ماتەريالدىق كومەگى كورسەتىلدى، سونىمەن قاتار اۋىلدى جەردە تۇراتىن الەۋمەتتىك سالا ماماندارىنا وتىن ساتىپ الۋىنا 1334 مامانعا 8،8 ملن. تەڭگەنىڭ الەۋمەتتىك كومەگى كورسەتىلدى.
