جۇمىسسىزدىقپەن كۇرەس ەل ساياساتىنىڭ نەگىزگى باعىتى. سوندىقتان بۇل جۇمىستارعا جىلدا كوڭىل دە، قارجى دا وماقتى قارالۋدا. وعان ءبىر دالەل، جامبىل وبلىسى مويىنقۇم اۋدانىندا بيىل جۇمىسسىزدىق دەڭگەيى 4،6 پايىزدان 4،1 پايىزعا تومەندەپ وتىر، دەپ جازادى Qamshy.kz اقپارات اگەنتتىگى.
اۋداندا «ەڭبەك» ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋدىڭ 2017-2021 جىلدارعا ارنالعان باعدارلاماسى 3 باعىتتا جۇزەگە اسىرىلۋدا.
باعدارلامانىڭ 1-باعىتى بويىنشا (باعدارلاماعا قاتىسۋشىلاردى تەحنيكالىق جانە كاسىپتىك بىلىممەن جانە قىسقا مەرزىمدى كاسىپتىك وقۋمەن قامتاماسىز ەتۋ):
باعدارلاماعا قاتىسۋشىلاردى قىسقا مەرزىمدى كاسىپتىك وقۋمەن قامتاماسىز ەتۋ بويىنشا جالپى – 95 ازاماتتى وقىتىلىپ، ونىڭ ىشىندە 70 ازامات تۇراقتى جۇمىسپەن قامتىلدى.
باعدارلامانىڭ 2-باعىتى بويىنشا (جاپپاي كاسىپكەرلىكتى دامىتۋ)
كاسىپكەرلىك نەگىزدەرى بويىنشا- جالپى 241 ازامات ءدارىس الىپ، ونىڭ ىشىندە 59 ازامات 243،0 ملن تەڭگە كرەديت السا، 40 ازامات 505،0 مىڭ تەڭگەدەن جالپى سوماسى 19،4 ملن تەڭگە قايتارىمسىز گرانت الدى.
باعدارلامانىڭ 3-باعىتى بويىنشا (حالىقتى جۇمىسپەن قامتۋعا جاردەمدەسۋ جانە ەڭبەك رەسۋرستارىنىڭ ۇتقىرلىعى ارقىلى ەڭبەك نارىعىن دامىتۋ): قايىرىلعان ازامات – 1347 جۇمىسسىز، ونىڭ 1218 جۇمىسسىز بەلسەندى شاراعا تارتىلدى، سونداعى تۇراقتى جۇمىسپەن قامتۋ ۇلەسى 66،7 پايىزدى قۇراپ وتىر.
بەلسەندى شارالارىمەن- 1495 ازامات قامتىلىپ وتىر اتاپ ايتقاندا:
«نۇرلى جول» باعدارلاماسى بويىنشا كەشەندى جوسپار بويىنشا -12 ازاماتتى جول قۇرىلىس جۇمىستارىنا تارتۋ قاجەت، بۇگىنگى كۇنگە 13 ازامات جۇمىسپەن قامتىلدى.
الەۋمەتتىك جۇمىس ورىندارىنا 2019 جىلى رەسپۋبليكالىق جانە جەرگىلىكتى بيۋدجەت ارقىلى 25،1 ملن. تەڭگە كولەمىندە قارجى قارالىپ، بارلىعى 140 ازاماتتى جۇمىسقا تارتۋ جوسپارلانسا، 25 جەكە كاسىپكەرلەر جانە شارۋا قوجالىقتارمەن كەلىسىم-شارت جاسالىپ، بارلىعى 180 جۇمىسسىز الەۋمەتتىك جۇمىس ورىندارىنا جولداندى.
جاستار ىس-تاجىريبەسى بويىنشا 2019 جىلى رەسپۋبليكالىق جانە جەرگىلىكتى بيۋدجەت ارقىلى 25،3 ملن. تەڭگە كولەمىندە قارجى قارالىپ، 6-ايلىق مەرزىمدىك جۇمىسقا جىل اياعىنا دەيىن بارلىعى 65 ادامدى تارتۋ جوسپارلانسا، ەسەپتىك مەرزىمگە 98 ازامات جاستار ىس-تاجىريبەسىنە جولداندى.
قوعامدىق جۇمىستارىنا 2019 جىلى جەرگىلىكتى بيۋدجەتتەن 94،1 ملن. تەڭگە كولەمىندە قارجى قارالىپ، اۋدان بويىنشا 404 جۇمىسسىز قوعامدىق جۇمىسقا جولداندى.
اۋدان بويىنشا 1 جۇمىسشى توبى قۇرىلدى، جىل باسىنان بەرى اتاۋلى الەۋمەتتىك كومەك 711 وتباسىنا، ونىڭ 3658 مۇشەلەرىنە 347،2 ملن تەڭگە قاراجات تولەندى، تاپسىرماعا وراي تاعايىنداۋ بويىنشا جۇمىسشى توبى بارلىق اۋىلدىق وكرۋگتەرىندە اتاۋلى الەۋمەتتىك كومەك تاعايىندالعان - 475 وتباسىنا ارالاپ مونيتورينگ جۇرگىزىلدى، ناتيجەسىندە 113 وتباسىنىڭ 108- ءى ءوز ەرىكتەرىمەن اتاۋلى الەۋمەتتىك كومەكتەن باس تارتتى. ناتيجەسىندە 6 وتباسىنىڭ قايتارعان 765،4 مىڭ تەڭگەسى ۋاكىلەتتى ورگاننىڭ ەسەپ شوتىنا ءتۇستى.
