مەملەكەت باسشىسى قاسىم-جومارت توقايەۆ حالىققا ارناعان تۇڭعىش جولداۋىندا ءبىلىم سالاسىنا ايرىقشا كوڭىل ءبولدى. اسىراسا ورتا ءبىلىم بەرۋ مەكەمەلەردىڭ ماتەريالدىق بازاسىن نىعايتا وتىرىپ، ءبىلىم ساپاسىن ارتتىرۋدى مىندەتتەدى. وسى ورايدا جامبىل وبلىسىندا ءبىلىم بەرۋ سالاسىنا دەگەن كوڭىل ءجىتى بولىنۋدە. تىپتەپ كەلگەندە شالعاي ەلدى مەكەندەردىڭ وزىندە «سيفرلىق قازاقستان» جۇيەسىن تاۋىپ وتىر، دەپ جازادى Qamshy.kz اقپارات اگەنتتىگى. 

ماسەلەن شۋ اۋدانىندا جالپىعا مىندەتتى وقۋمەن قامتۋدا 47 مەكتەپ جۇمىس جاسايدى. 43 اسحانا جۇمىسى جولعا قويىلىا، از قامتىلعان وتباسىنان شىققان 1366 بالا تەگىن ىستىق تاماقپەن قامتىلعان. جەرگىلىكتى بيۋدجەتتەن 104 ميلليون 429 مىڭ تەڭگە، وبلىستىق بيۋدجەتتەن10 ميلليون 181 مىڭ تەڭگەبولىنگەن. ءبىرىنشى سىنىپتىڭ 2373 بالاسىنا ىستىق تاماققا 102 ميلليون 878 مىڭ تەڭگە قارالعان.

ا.س.ماكارەنكو مەكتەبىنىڭ جانىنداعى ينتەرناتتا 84 وقۋشى، و.جاندوسوۆ مەكتەپ جانىنداعى ينتەرناتتا 42 وقۋشى،بارلىعى 116 وقۋشى ينتەرناتپەن قامتىلعان. ولاردىڭ ىستىق تاماعىنا 2019 جىلعا جەرگىلىكتى بيۋدجەت ەسەبىنەن 22 ميلليون 380 مىڭ تەڭگە بولىنگەن.

2018-2019 وقۋ جىلىندا ۇبت-گە بارلىعى 34 ءبىلىم بەرۋ ۇيىمى قاتىسىپ وتىر. (العا وم، ءال-فارابي اتىنداعى ورتا مەكتەپتەن جانە كەشكى مەكتەپتەن بىردە-بىر وقۋشى ۇبت-گە قاتىسقان جوق).

مەكتەپ بىتىرگەن 878 تۇلەكتىڭ 52،6 پايىزى (462 تۇلەك) تەستىلەۋگە قاتىستى. تەستىلەۋگە قاتىسقانداردىڭ 88،3 پايىزى (408 تۇلەك) قازاق تىلىندە، 11،7 پايىزى (54تۇلەك) ورىس تىلىندە تاپسىردى. ورتاشا بالل-71،5. 37 وقۋشى «التىن بەلگى»، 15وقۋشى «ۇزدىك اتتەستاتقا» ءبىتىردى. شىعارماشىلىق تاپسىرعان وقۋشى سانى – 64. ەڭ جوعارى بالل – 134 (يماش اسەم الماز قىزى تولە بي/ق/وم)

وقۋ كابينەتتەرىن كومپيۋتەرلىك تەحنيكالارمەن جابدىقتاۋ جۇمىستارى بويىنشا جالپى 47 مەكتەپتە بارلىعى 2470 كومپيۋتەر ورناتىلعان. ونىڭ ىشىندە مۇعالىمدەر پايدالاناتىن كومپيۋتەر سانى 1085.

سونداي-اق، جالپى وقۋ كابينەتى سانى 1212. ونىڭ ىشىندە 1085ء-ى(89،5%) ءمۇعالىم كومپيۋتەرىمەن جابدىقتالعان.

2019 جىلى 233 ينتەراكتيۆتى قۇرىلعىلار ساتىپ الىپ، وقۋ كابينەتتەرىن 100 پايىز كومپيۋتەرمەن جابدىقتاۋ جوسپارلانۋدا.

ءيا، سيفرلىق داۋىرگە ەلىمىز قارىشتى قادام جاساپ جاتقانىنىڭ بۇل ءبىر كورىنىسى. «سيفرلىق قازاقستان» جوباسى اياسىندا جاندانعان جوبالاردىڭ جەمىستى بولماعانى جوق. ەندى مىنە ءبىلىم سالاسى دا سيفرلاندىرۋعا تولىقتاي كوشىپ جاتقانى قۋانتادى. بۇل ەل ەرتەڭىنە جاسالعان يگى قادام.