ەل ەكونوميكاسىنىڭ ىرگەتاسى اۋداندارداعى جۇمىستارمەن قالاناتىنى بەلگىلى. سوندىقتان ەلدى مەكەندەردەگى ەڭسەلى جۇمىستار ەشقاشان ەلەۋسىز قالعان ەمەس. جامبىل اۋدانىنا قاراستى شالعاي اۋىلداردىڭ وزىندە بۇگىندە كوز تويارلىق جۇمىستار كوپ. ماسەلەن مويىنقۇم اۋدانىنادا كەڭەستىك كەزەڭدەگى كەلمەسكە كەتكەندەي كورسەتكىشتەر قايتا ورالۋدا، دەپ جازادى Qamshy.kz اقپارات اگەنتتىگى. 

ماسەلەن ونەركاسىپ سالاسىنا كەلسەك 2019 جىلدىڭ قاڭتار-قىركۇيەك ايلارىندا اۋداننىڭ ونەركاسىپ كاسىپورىندارىمەن 52،7 ملرد. تەڭگەنىڭ ءونىمى ءوندىرىلىپ، ناقتى كولەم يندەكسى 97،1 پايىزدى قۇراعان.

ونىڭ ىشىندە تاۋ-كەن ءوندىرۋ ونەركاسىبى 6،2 ملرد. تەڭگە، وڭدەۋ ونەركاسىبى 46،5 ملرد. تەڭگە جانە سۋمەن جابدىقتاۋ ونەركاسىبى 25،8 ملرد تەڭگەگە جەتكەن.

ونەركاسىپ ءوندىرىسىنىڭ كولەمىنىڭ ناقتى كولەم يندەكسىنىڭ تومەندەۋىنە بيىلعى جىلدىڭ 9 ايىندا وندىرىلگەن سەمەنتتىڭ وتكەن جىلدىڭ ءتيىستى كەزەڭىمەن سالىستىرعاندا 120،7 مىڭ تونناعا تومەندەگەنى اسەر ەتكەن.

سەمەنت ءونىمىنىڭ كەم ورىنداۋلى نەگىزىنەن 2019 جىلدىڭ 26 تامىزىندا «كەGOC» اق-نىڭ ەلەكتر قۋاتى ىستەن شىعىپ ۋاقىتىلى جۇمىس اتقارماۋ سەبەبىنەن «جامبىل سەمەنت زاۋىتى» ج ش س 55،5 مىڭ تونناعا سەمەنت كەم وندىرىلگەن جانە «ACIG» اق حانتاۋ سەمەنت زاۆودىنىڭ توقتاۋىنان ورىن العان.

2019 جىلدىڭ قاڭتار-قىركۇيەك ايلارىندا نەگىزگى كاپيتالعا سالىنعان ينۆەستيسيالاردىڭ جالپى كولەمى 16،0 ملرد. تەڭگەنى نەمەسە 2018 جىلدىڭ ءتيىستى كەزەڭىمەن سالىستىرعاندا 2،0 ەسەگە ارتتى.

بيىلعى جىلى ينۆەستيسيا كولەمىنىڭ اۋدان اۋماعىندا مەركە-بۋرىل-بايتال تاس جولى قۇرىلىس باستالۋىنان كوبەيىپ وتىر.

ەسەپتى كەزەڭدە جەكە كاسىپكەرلەردىڭ بولشەك ساۋدا كولەمى 1،4 ملرد. تەڭگەنى قۇراپ، 2018 جىلدىڭ سايكەس كەزەڭىمەن سالىستىرعاندا 27،3 پايىزعا وسكەن.

اعىمداعى جىلدىڭ قاڭتار – قىركۇيەك ايلارىندا بارلىعى 1262 شاعىن جانە ورتا بيزنەس سۋبەكتىلەر سانى تىركەلگەن، ولاردىڭ 97 شاعىن كاسىپكەرلىك سۋبەكتى بولسا 1165 سۋبەكتى جەكە كاسىپكەر بولىپ تىركەلىپ وتىر.

ەسەپتى كەزەڭدە بارلىق شاعىن جانە جەكە كاسىپكەرلىك سالاسى بويىنشا بيۋدجەتكە تۇسكەن سالىق كولەمى 295،6 ملن.تەڭگەنى قۇرادى.

بۇل شالعاي اۋدانداعى شالقىعان شارۋا. كورسەتكىشتەر كوڭىل كونشىتەتىنى انىق. اسىرەسە سەمەنت ءوندىرىسى مەن ينۆەستيسيا كولەمىنىڭ ارتۋى ەل ەرتەڭىنە ۇلكەن سەنىممەن قاراتۋدا. ەندەشە مەرەيلى مويىنقۇمنىڭ بەرەكەسى كىرە بەرسىن دەمەكپىز!