جەرگىلىكتى تۇرعىنداردىڭ الەۋمەتتىك نىساندارعا سۇرانىسىن وتەۋدە مەملەكەتتىك-جەكەشەلىك ارىپتەستىك جوبالارىنىڭ بەرەرى مول.سوڭعى 3 جىلدا اتالعان باستاما ارقىلى 113 جوبا ىسكە اسىرىلدى، دەپ جازادى Qamshy.kz اقپارات اگەنتتىگى. 

تەك 2017–2018 جىلداردىڭ وزىندە وڭىردە دەمەۋشىلەردىڭ باستاماسىمەن 30 جوبا ىسكە اسىرىلدى. ال اعىمداعى جىلى 83 جوبا بويىنشا جۇمىستار جۇرگىزىلىپ جاتىر. مۇنداعى ءاربىر جوبانى ىسكە اسىرۋدىڭ ناقتى الگوريتمدەرى ازىرلەنگەن. ماسەلەن مەملەكەتتىك-جەكەشەلىك ارىپتەستىك اياسىنداعى جوبالاردىڭ 78 –ءى ءبىلىم سالاسىندا جۇزەگە اسىرىلىپ جاتىر.

–ءبىلىم سالاسىنا قاتىستى جوبانىڭ 39-ى مەملەكەتتىك مىندەتتەمەلەردى تالاپ ەتپەيدى. بۇل جوبالار اياسىندا 39 مەكتەپتىڭ جانىنداعى اسحانالاردى جابدىقتاۋ جانە سەنىمگەرلىك باسقارۋعا بەرۋ جۇمىستارى جۇرگىزىلدى. اتالعان جۇيە ارقىلى وقۋشىلاردى تاماقتاندىرۋ ىسىنە 279 ميلليون 500 مىڭ تەڭگەگە ينۆەستيسيا تارتىلماق. ناتيجەسىندە 26 621 وقۋشى ىستىق تاماقپەن قامتىلاتىن بولادى.

مەملەكەتتىك-جەكەشەلىك ارىپتەستىك 2 جوبا ارقىلى جەكە عيماراتتا ورنالاسقان 2 مەملەكەتتىك بالاباقشانى عيماراتپەن قامتۋ ماسەلەسى شەشىلمەك. شۋ اۋدانى شۋ قالاسىندا «بالاپان»، «استانا» بالاباقشالارىن عيماراتپەن قامتۋدا جەكە ارىپتەستىڭ باستاماسىمەن بيزنەس-جوسپارلار جاسالدى. سونداي-اق تاراز قالاسىندا №25 جانە 37 بالاباقشالاردى سەنىمگەرلىك باسقارۋعا بەرۋ بويىنشا دا ينۆەستيسيالىق ۇسىنىس بار. ال 35 جوبا جەكە مەنشىك بالاباقشالاردا مەملەكەتتىك تاپسىرىستى ورنالاستىرۋدى ماقسات ەتەدى.

مەملەكەتتىك-جەكەشەلىك ارىپتەستىك جوبالارى دەنساۋلىق ساقتاۋ سالاسىندا قامتىپ، شۋ قالالىق اۋرۋحاناسىن توموگراف جانە№1 تاراز قالالىق اۋرۋحاناسىنا انگيوگراف قوندىرعىسىن ساتىپ الۋ جوسپارلانىپ وتىر. جالپى قۇنى 1 ميلليارد 269 ميلليوندى قۇرايتىن بۇل جوبالار ەكونوميكالىق ساراپتامانىڭ وڭ قورىتىندىسىن الدى. سونداي-اق وڭىردە كوشەلەردى جارىقتاندىرۋ، شاحريستان» تاريحي-مادەني ورتالىعى اۋماعىندا شەبەرلەر قالاشىعىن جانە «جاس تۋريست» بالالار – جاسوسپىرىمدەر ورتالىعىن ۇيىمداستىرۋ سىندى باستامالار دا مەملەكەتتىك-جەكەشەلىك ارىپتەستىكتى قاجەت ەتىپ، –دەيدى وبلىس اكىمدىگىنىڭ ەكونوميكا جانە بيۋدجەتتى جوسپارلاۋ باسقارماسىنىڭ باسشىسى گۇلدانا جاۋىنبەكوۆا.

ەنەرگەتيكا سالاسىندا جۇزەگە اسىرىلاتىن مەملەكەتتىك-جەكەشەلىك ارىپتەستىك جوباسى تاراز قالاسىنداعى 172 كوشە جارىقتارىن جۇرگىزۋدى كوزدەيدى. ال تۋريزم سالاسىنداعى مەملەكەت پەن جەكە كاسىپكەر الاسىنداعى بايلانىس شاحريستان» تاريحي-مادەني ورتالىعى اۋماعىندا شەبەرلەر قالاشىعىن جانە «جاس تۋريست» بالالار – جاسوسپىرىمدەر ورتالىعىن ۇيىمداستىرۋعا ينۆەستور تارتۋدى ماقسات ەتەدى.