وڭىرلەردىڭ الەۋمەتتىك-ەكونوميكالىق دامۋىنا ونداعى ەلدى مەكەندەردىڭ مارتەبەسى شەشۋشى مانگە يە ەكەندىگى ايتپاسا دا تۇسىنىكتى جايت.سوندىقتان دا وبلىستا ەلدى مەكەندەردىڭ الەۋمەتتىك مارتەبەسىن انىقتاۋ جۇمىستارى جۇرگىزىلىپ، وڭىردەگى ەلدى مەكەندەر سانى 373-تەن 366-عا دەيىن قىسقاردى.ءوز كەزەگىندە بۇل قىسقارتۋلار جەرگىلىكتى جەرلەردى وڭتايلى باسقارۋ ءىسىنىڭ العىشارتىنا اينالماق، دەپ جازادى Qamshy.kz اقپارات اگەنتتىگى. 

وبلىس اكىمدىگىنىڭ ەكونوميكا جانە بيۋدجەتتى جوسپارلاۋ باسقارماسى جۇرگىزىلگەن تالداۋ جۇمىستارى وبلىستاعى بارلىق 373 اۋىلدىق ەلدى مەكەنىنە تالداۋ جۇرگىزىلدى. تالداۋ ناتيجەسىنە ساي ەلدى مەكەندەر 179 كلاستەرگە توپتالدى. مۇنداعى 208 ەلدى مەكەن دامۋ الەۋەتى جوعارى اۋىلعا جاتسا، ونىڭ ىنشىندە 62 ەلدى مەكەن تىرەكتى جانە 146 ەلدى مەكەن سپۋتنيكتى مارتەبەگە يە بولعان. وبلىستاعى 8 ەلدى مەكەن ستراتەگيالىق شەكارا ماڭىندا ورنالاسقان. ال 103 مىڭ ادام تۇراتىن 150 ەلدى مەكەننىڭ دامۋ الەۋەتى ورتاشا دەڭگەيدە دەپ باعالانىپ وتىر.

–«قازاقستان رەسپۋبليكاسى اكىمشىلىك-اۋماقتىق قۇرىلىسى» تۋرالى زاڭىنا ساي وبلىس اۋماعىنداعى7 اۋىلدىق ەلدى مەكەننىڭ اكىمشىلىك-اۋماقتىق قۇرىلىسىن وزگەرتۋ بويىنشا ءتيىستى جۇمىستار قولعا الىندى. ونىڭ ىشىندە 4 اۋىلدىق ەلدى مەكەن بىرلەسكەن وبلىس اكىمدىگىنىڭ قاۋلىسىمەن جانە وبلىستىق ءماسليحات شەشىمىمەن تاراتىلدى. بۇل ەلدى مەكەندەر ستاتيستيكا دەپارتامەنتىنىڭ ەسەبىنەن دە شىعارىلدى. سونداي-اق 3 اۋىلدىق ەلدى مەكەندەردى جاقىن ورنالاسقان ەلدى مەكەنگە قوسۋ بويىنشا بىرلەسكەن اۋدان اكىمدىكتەرىنىڭ قاۋلىلار جانە اۋداندىق ءماسليحات شەشىمدەرى بەكىتىلدى. بۇگىنگە وبلىستىق دەڭگەيدەگى جاڭا شەكارانى بەلگىلەۋ بويىنشا ءتيىستى جۇمىستار اتقارىلىپجاتىر،– دەيدى وبلىس اكىمدىگىنىڭ ەكونوميكاجانە بيۋدجەتتى جوسپارلاۋ باسقارماسىنىڭ باسشىسى گۇلدانا جاۋىنبەكوۆا.

وبلىستاعى ەلدى مەكەندەردىڭ اكىمشىلىك-اۋماقتىق شەكاراسى مەن ولاردىڭ الەۋمەتتىك مارتەبەسىن قايتا زەردەلەپ شىققان ماماندار جاڭا جۇيە وڭىرلەردىڭ دامۋ قارقىنىن ەسەلەۋ جۇمىستارىنا وڭ اسەر ەتەتىن العا تارتادى. ءارى ورتالىقتاندىرىلعان باسقارۋ جۇيەسى ەسەبىنەن كەيبىر ەلدى مەكەندەردىڭ قاجەتتىلىگى ءۇشىن شىعارىلعان شىعىننىڭ كەمى دە ەكونوميكالىق تۇراقتىلىقتىڭ توتە جولى دەپ ساناۋعا بولادى. ودان سوڭ تىرەك اۋىلداردىڭ دا سپۋتنيك اۋىلدار ەسەبىنەن الەۋەتى ارتىپ، دامۋ قارقىنى ەسەلەنە تۇسەتىنى ايدان انىق.