جامبىل وبلىسىندا قازاقستان رەسپۋبليكاسىنىڭ تۇڭعىش پرەزيدەنتى–ەلباسىنىڭ باستاماسىمەن جۇزەگە اسىرىلىپ جاتقان «اۋىل-ەل بەسىگى!» جوباسى اياسىندا ءبىرقاتار دەنساۋلىق ساقتاۋ نىساندارىنىڭ قۇرىلىسىن جۇرگىزۋ، كۇردەلى جانە اعىمداعى جوندەۋ جۇمىستارى قولعا الىنىپ وتىر. بۇل تۇرعىندارعا كورسەتىلەتىن مەديسينالىق قىزمەتتىڭ ساپالى ەتۋدىڭ العىشارتى سانالادى، دەپ جازادى Qamshy.kz اقپارات اگەنتتىگى.
پارتيالىق جوبانىڭ اياسىندا بايزاق اۋداندىق ورتالىق اۋرۋحاناسىندا كۇردەلى جوندەۋ، اعىمداعى جوندەۋ جۇمىستارى جۇرگىزىلدى. سونداي-اق شۋ اۋدانى تولەبي اۋىلىنداعى اۋداندىق اۋرۋحاناعا جاپسارلاس ەمحانا عيماراتىنىڭ قۇرىلىس جۇمىستارى قولعا الىندى. بايزاق اۋدانىندا رەسپۋبليكالىق بيۋدجەت ەسەبىنەن قۇنى 2 ميلليارد تەڭگە بولاتىن 250 كەلۋشىگە ارنالعان ەمحانا قۇرىلىسى دا پيلوتتىق جوبا جول كارتاسىنا ەنگىزىلدى. پيلوتتىق جوبا قولداۋ تاباتىن بولسا بايزاق اۋداندىق ەمحاناسىنىڭ قۇرىلىسى 2020-2021جىلدار ارالىعىن جۇرگىزىلەدى دەپ جوسپارلانىپ وتىر. سول سەكىلدى قورداي اۋدانىندا دا رەسپۋبليكالىق بيۋدجەتتەن قارجىلاندىرىلاتىن قۇنى 2 ميلليارد 100 ميلليون تەڭگە بولاتىن 250 كەلۋشىگە ارنالعان ەمحانانىڭ جوبالىق سمەتالىق قۇجاتتاما مەملەكەتتىك ساراپتامادان ءوتىپ جاتىر. سونىمەن قاتار قورداي اۋدانىندا 270 ورىندىق اۋرۋحانا قۇرىلىسىنىڭ جوبالىق سمەتالىق قۇجاتتارىن ازىرلەۋگە قاراجات قاراستىرىلدى.
جالپى وتكەن جىلدىڭ باسىندا وبلىستاعى ەلدى مەكەندەردىڭ العاشقى مەديسينالىق قىزمەتكە سۇرانىسى 95 نىساندى قۇراعان ەدى. بىلتىر بۇل جۇمىستارعا مەملەكەتتىك-جەكەمەنشىك ارىپتەستىكتى تارتۋ ناتيجەسىندە 39 نىساننىڭ ماسەلەسى تۇبەگەيلى شەشىلدى. مۇنداعى جۇمىستارعا1 ميلليارد 300 ميلليون تەڭگە قارجى ءبولىنىپ، ماقساتتى يگەرىلدى. بيۋدجەت قاراجاتى ەسەبىنەن 9 نىساننىڭ قۇرىلىسى جۇرگىزىلىپ، پايدالانۋعا بەرىلدى.
اعىمداعى ەلدى مەكەندەردىڭ 65 مەديسينالىق مەكەمەگە سۇرانىسى قاناعاتتاندىرىلىپ، جالپى وبلىس تۇرعىندارىنىڭ العاشقى مەديسينالىق قىزمەت كورسەتۋ ورىندارىن قاجەتتىلىگى 100 پايىزعا ورىندالادى. وسى جۇمىستار ناتيجەسىندە وبلىستىڭ شالعاي ەلدىمەكەندەرىندە ءبىرقاتار جاڭا مەديسينالىق مەكەمەلەر ىسكە قوسىلىپ، اۋىل تۇرعىندارىنا ساپالى مەديسينالىق قىزمەت قولجەتىمدى بولا ءتۇستى. الداعى ۋاقىتتا بۇل جۇمىستار اۋداندىق ەمحانالار مەن اۋرۋحانالاردىڭ اۋقىمىن كەڭەيتۋ باعىتىندا جالعاسىن تاپپاق.
