سارىسۋ اۋدانى اكىمدىگىنىڭ ءماجىلىس زالىندا «قازاقستان فەرمەرلەر وداعى رەسپۋبليكالىق قوعامدىق بىرلەستىگى» جامبىل وبلىستىق فيليالىنىڭ ۇيىمداستىرۋىمەن كەزدەسۋ ءوتتى.

جيىنعا اۋدان اكىمى قاناتبەك مادىبەك ءتوراعالىق ەتىپ، «قازاقستان فەرمەرلەر وداعى» رەسپۋبليكالىق قوعامدىق بىرلەستىگىنىڭ پرەزيدەنت-توراعا مىندەتىن اتقارۋشى جيگۋلي مولداحالىق ۇلى دايرابايەۆ، اۋدان بويىنشا فەرمەرلەر وداعىنىڭ ءتوراعاسى –اسقار اقپانباي ۇلى اليبەكوۆ، قالا جانە اۋىلدىق وكرۋگ اكىمدەرى، اكىمدىك بولىمدەر مەن مەكەمە باسشىلارى، شارۋا قوجالىق ءتوراعالارى، كاسىپكەرلەر قاتىستى.

كۇن تارتىبىنە سايكەس اۋدان بويىنشا فەرمەرلەر وداعىنىڭ ءتوراعاسى- اسقار اقپانباي ۇلىنىڭ حابارلاماسى تىڭدالدى. حابارلاماشى ءوز بايانداماسىندا قازاقستان رەسپۋبليكاسى تۇڭعىش پرەزيدەنتىنىڭ تاپسىرماسى بويىنشا قازاقستان رەسپۋبليكاسىنىڭ اگروونەركاسىپتىك كەشەنىن دامىتۋدىڭ 2017-2021 جىلدارعا ارنالعان مەملەكەتتىك باعدارلاماسى ەنگىزىلىپ، باعدارلاماعا سايكەس قول جەتكىزۋگە باعىتتالعان ينديكاتورلاردىڭ ءبىرى «اۋىل شارۋاشىلىعى جالپى ءونىمىنىڭ (كورسەتىلەتىن قىزمەتتەرىنىڭ) 2015 جىلدىڭ دەڭگەيىنە قاراعاندا ناقتى ماندە 43%-عا ءوسۋى» - 2019 جىلدىڭ 9 ايداعى اۋىل شارۋاشىلىعى ءونىمىنىڭ جالپى شىعارىلىمى 9564،5 ملن. تەڭگە (2015 جىلعى 9 ايداعى اۋىل شارۋاشىلىعى ءونىمىنىڭ جالپى شىعارىلىمى 5473،1 ملن. تەڭگە)، 2015 جىلدىڭ 9 ايداعى دەڭگەيىنە قاراعاندا ءوسىم قارقىنى 74،8% بولعاندىعىن ايتا كەلىپ، قول جەتكىزۋگە جوسپارلانعان كەلەسى كورسەتكىش - اۋىل شارۋاشىلىعىنداعى نەگىزگى كاپيتالعا سالىنعان ينۆەستيسيالار كولەمىنىڭ 2015 جىلدىڭ دەڭگەيىنە قاراعاندا ناقتى ماندە 2،5 ەسە وسكەندىگىن ايتتى. سونىمەن قاتار اعىمداعى جىلدىڭ 9 ايدىڭ قورىتىندىسى بويىنشا اۋىل شارۋاشىلىعىنداعى نەگىزگى كاپيتالعا سالىنعان ينۆەستيسيالار كولەمى، اعىمداعى جىلى كۇزدىك بيداي، پياز، جۇگەرى جانە باقشا داقىلدارىنان الىنعان ءونىم جايلى دا تىلگە تيەك ەتتى.

سونداي-اق اۋداندا ءمۇيىزدى ءىرى قارا، قوي مەن ەشكى، جىلقى، تۇيە جانە قۇستىڭ ءوسىمى مەن ولاردان الىنعان ونىمدەرگە دە توقتالدى. مال شارۋاشىلىعىن دامىتۋداعى تيەسىلى الىنعان سۋبسيديا، نەسيە، جاڭا تەحنيكالار جايلى دا كوپشىلىكتى حاباردار ەتتى.

كەلەسى ءسوز كەزەگى «قازاقستان فەرمەرلەر وداعى» رەسپۋبليكالىق قوعامدىق بىرلەستىگىنىڭ پرەزيدەنت-توراعا مىندەتىن اتقارۋشى –جيگۋلي مولداحالىقۇلىنا بەرىلىپ، جينالعاندار تاراپىنان سۇراقتار قويىلىپ، جاۋاپتار قايتارىلدى. سونىمەن قاتار باسقوسۋدا وبلىستىق اۋىل شارۋاشىلىق سالاسىنا قوسقان ۇلەسى جانە قازاقستان فەرمەرلەر وداعى رەسپۋبليكالىق قوعامدىق بىرلەستىگىنىڭ جۇمىستارىنا بەلسەنە قاتىسقانى ءۇشىن ساكەن تاجىبايەۆقا قازاقستان فەرمەرلەر وداعىنىڭ ماقتاۋ گراموتاسىن تاپسىردى.