جامبىل وبلىستىق پوليسيا دەپارتامەنتى باستىعىنىڭ ءبىرىنشى ورىنباسارى باۋىرجان ۇدەرگەنوۆ تۇرار رىسقۇلوۆ اۋدانىندا بولىپ، «نۇر وتان» پارتياسى اۋداندىق فيليالىندا قوعامدىق قابىلداۋ وتكىزدى. تۇرعىنداردىڭ تىلەگىنە باۋىرجان ارىنۇلىمەن بىرگە اۋداندىق پوليسيا ءبولىمىنىڭ باسشىسى قايرات قاپاروۆ پەن پارتيا اۋداندىق فيليالى ءتوراعاسىنىڭ ءبىرىنشى ورىنباسارى قاناتبەك ارىستانبەكوۆ تە قۇلاق ءتۇردى.

كامەنكا اۋىلىنىڭ تۇرعىنى گاۋحار مۇسابەكوۆا 2016-2017 جىلدارى تانىسىنا بانكتەن ەكى ءجۇز مىڭ تەڭگەدەن ەكى مارتە نەسيە الىپ بەرگەن ەكەن. تانىسى تولەمەي كەتكەن. سوت ارقىلى وندىرمەك بولعانىنا قاراماستان تانىسى سوتتىڭ شەشىمىن ورىنداماي قاشىپ جۇرسە كەرەك. ەندى سونى ءوندىرىپ بەرۋدى سۇراپ، ۇدەرگەنوۆكە ءۇمىت ارتتى. اباي اۋىلىنىڭ تۇرعىنى ءبىرجان سەيتوۆتىڭ جاعدايى دا گاۋحاردىڭ وقيعاسىنا ۇقساس. ونىڭ ايتۋىنشا وعان بەلگىسىز ءبىر ادام نۇر-سۇلتان قالاسىنان حابارلاسىپ تۇرعانىن ايتىپ، «الەۋمەتتىك كومەك الۋعا ءوتىنىش بەرگەن ەكەنسىز، الايدا بانكتە قارىزىڭىز بار كورىنەدى. سونى تەزدەتىپ جاپساڭىز ءبىز سىزگە جەتى ءجۇز جيىرما مىڭ تەڭگە اۋدارامىز» دەپ سەندىرگەن. قارىزدانىپ ءجۇرىپ نەسيەسىن جاپقانمەن الەۋمەتتىك كومەك ءالى تۇسپەپتى. وسىنىڭ اق-قاراسىن انىقتاپ بەرۋىن ءوتىنىپ كەلىپتى.

قوعامدىق قابىلداۋعا كەلگەندەردىڭ وزگەسى قوعامدىق ءتارتىپتى رەتكە كەلتىرۋ ماسەلەسىن كوتەرىپ، ۇسىنىس-تىلەكتەرىن جەتكىزدى. ماسەلەن، قۇلان اۋىلىنىڭ تۇرعىنى مارات چۋلەكەيەۆ پانفيلوۆ كوشەسىنە بەينەباقىلاۋ ورناتۋ، ونداعى كوپقاباتتى ۇيلەردىڭ اينالاسىندا بولاتىن تارتىپسىزدىكتەر جونىندە ءسوز قوزعاسا، ساپارالى قوڭىراتبايەۆ قوعامداعى قۇقىق بۇزۋشىلىقتى ازايتۋ ءۇشىن ۋچاسكەلىك پوليسيا ينسپەكتورلارىنىڭ سانىن ارتتىرۋ كەرەك دەپ ەسەپتەيدى. سول سەكىلدى اباي اۋىلدىق ارداگەرلەر كەڭەسىنىڭ ءتوراعاسى رىسقۇلبەك سەكەربەكوۆ ۋچاسكەلىك پوليسيا ينسپەكتورلارىن قىزمەتتىك كولىكپەن قامتاماسىز ەتۋ كەرەكتىگىن ءسوز ەتتى.

قابىلداۋعا جازىلعان ءار تۇرعىننىڭ تىلەگىن مۇقيات تىڭداعان باۋىرجان ۇدەرگەنوۆ كوتەرىلگەن ماسەلەلەردىڭ شەشىلۋ جولدارىن كورسەتىپ، اۋداندىق پوليسيا ءبولىمىنىڭ باستىعى قايرات قاپاروۆ پەن ونىڭ ءبىرىنشى ورىنباسارى قايسار سۇلەيمەنگە ناقتى تاپسىرمالار بەردى.

قوعامدىق قابىلداۋدا ۋچاسكەلىك پوليسيا ينسپەكتورلارى ءۇشىن جاعىمدى جاڭالىقت تا ايتىلدى. باۋىرجان ارىن ۇلىنىڭ ايتۋىنشا كەلەر جىلدىڭ كوكتەمىندە اۋدانداعى بارلىق ۋچاسكەلىك پوليسيا ينسپەكتورلارى سۋ جاڭا قىزمەتتىك كولىكتەرمەن قامتاماسىز ەتىلەدى ەكەن.