بۇگىنگى تاڭدا «سيفرلى قازاقستان» مەملەكەتتىك باعدارلاماسىندا IT-قىزمەت كورسەتۋدى دامىتۋ ەرەكشە ماڭىزعا يە بولىپ وتىر. وسىعان وراي، «سيفرلى قازاقستان» باعدارلاماسى اياسىندا ءوڭىر كىتاپحانالارىنىڭ قوعامداعى كەڭىستىگىن دامىتۋ، ولاردى ۇزدىكسىز وزگەرىپ وتىرعان شارتتارعا بەيىمدەلۋ ماقساتىندا اۋداندىق ورتالىق كىتاپحاناعا قاراستى اۋىلدىق كىتاپحانالاردا سيفرلاندىرىلعان اقپاراتتىق ورتالىقتار اشىلۋدا.
مىنە، وسىنداي زامان تالابىنا ساي قىزمەت كورسەتىپ وتىرعان ورتالىق جۋىردا ت. رىسقۇلوۆ اۋدانىنداعى لۋگوۆوي اۋىلدىق كىتاپحاناسىنان دا اشىلدى. اشىلۋ راسىمىندە ورتالىقتاندىرىلعان كىتاپحانالار جۇيەسىنىڭ ديرەكتورى نۇرسۇلۋ توپاتايەۆا قۇتتىقتاۋ ءسوز سويلەپ، زاماناۋي كوپ فۋنكسيونالدى اقپارات بەرۋ قىزمەتتەرىنە جەكە توقتالىپ ءوتتى. اۋداندىق سيفرلاندىرىلعان اقپاراتتىق ورتالىقتىڭ كىتاپحاناشىسى يسكاكوۆا اليا التىنبەك قىزى اۋىل تۇرعىندارىنا ەgov.kz ەلەكتروندىق ۇكىمەت پورتالى ارقىلى قاجەتتى قۇجاتتارىن راسىمدەپ، مەملەكەتتىك باعدارلامالارعا قاتىستى كەڭەس بەرىپ ءوتتى. سونىمەن قاتار، ءقادىرلى قوناق رەتىندە شاقىرىلعان لۋگوۆوي اۋىلدىق اكىمىنىڭ ورىنباسارى قايرات ءابىلوۆ، اۋىلدىڭ اقساقالدار القاسىنىڭ ءتوراعاسى رىسبەك الچابايەۆ العىستارىن ءبىلدىردى.
جالپى، اۋداندا بۇگىنگى كۇنگە دەيىن اۋداندىق كىتاپحاناعا قاراستى 11 اۋىلدىق كىتاپحانادا سيفرلاندىرىلعان اقپاراتتىق ورتالىقتار اشىلعان بولاتىن. «سيفرلاندىرىلعان اقپاراتتىق ورتالىق اشۋ» تۇجىرىمداماسىندا كورسەتىلگەندەي، ورتالىقتار اۋىل تۇرعىندارىنا كورسەتىلەتىن ەلەكتروندىق اقپاراتتىق قىزمەت اياسىن كەڭەيتۋ، ءارتۇرلى ساناتتاعى تۇرعىنداردىڭ الەۋمەتتىك ماڭىزدى اقپاراتتار مەن انىقتامالارعا قولجەتىمدىلىگىن ارتتىرۋ ماقساتىندا ءوز قىزمەتتەرىن ۇسىنۋدا. سيفرلاندىرىلعان اقپاراتتىق ورتالىقتاردا جىلدامدىعى جوعارى ينتەرنەت جەلىسى ارقىلى ءتۇرلى اقپارات ىزدەۋمەن قاتار ەgov.kz پورتالى ارقىلى 12 قىزمەت تۇرلەرى كورسەتىلەدى. ونىڭ ىشىندە جوعارى سۇرانىسقا يە زەينەتاقى قورى انىقتاماسى، بالاباقشاعا كەزەكتە تۇرعانى جايلى، جىلجىمايتىن مۇلىكتەر، ازاماتتىڭ سوتتالعان نەمەسە سوتتالماعانى تۋرالى انىقتامالار الۋعا بولادى. بۇل شالعاي اۋىلدارداعى حالىقتار اۋدان ورتالىعىنا بارىپ ۋاقىت جوعالتپايدى دەگەن ءسوز.
سونىمەن قاتار، بۇگىنگى تاڭدا ورتالىق قىزمەتكەرلەرى http://zhambyl.cao-zhambyl.kz سايتى ارقىلى جەرگىلىكتى تۇرعىنداردى اۋىل، اۋداننىڭ قوعامدىق، مادەني، ەكونوميكالىق، الەۋمەتتىك ءومىرى اياسىندا جان-جاقتى اقپاراتپەن قامتاماسىز ەتۋ مۇمكىندىگىنە يە بولىپ وتىر.
«سيفرلىق تەحنولوگيالاردى ەنگىزۋ – زامان تالابى» دەيتىن بولساق، سيفرلاندىرىلعان اقپاراتتىق ورتالىقتار اقپارات الماسۋعا ۇلكەن مۇمكىندىكتەر جاساپ وتىر. ەندەشە، تۇرعىنداردىڭ يگىلىگى ارتىپ، كىتاپحانا ءىسى ءارقاشان العا باسا بەرەتىنى ءسوزسىز.
