2019 جىلدىڭ 14-15 قاراشاسىندا مەكتەپ وليمپيادالارىن جانە مەكتەپتەن تىس ءىس –شارالاردى وتكىزەتىن وبلىستىق ورتالىعى، «جامبىل وبلىسى «جاس ۇلان» بالالار مەن جاسوسپىرىمدەر ۇيىمى» قوعامدىق بىرلەستىگىنىڭ ۇيىمداستىرۋىمەن «بولاشاققا باعدار: رۋحاني جاڭعىرۋ» باعدارلامالىق ماقالاسى جانە جاستار جىلى اياسىندا تاراز قالاسى : مەكتەپ وليمپيادالارىن جانە مەكتەپتەن تىس ءىس-شارالاردى وتكىزەتىن وبلىستىق ورتالىعىندا وبلىستىق «كەمەلدى كەلەشەككە – كەمەڭگەر ەلباسىمەن!» اتتى «جاس ۇلان» ءبىرىڭعاي بالالار مەن جاسوسپىرىمدەر ۇيىمىنىڭ كوشباسشىلارى اراسىنداعى فورۋمى ۇيىمداستىرىلدى.

فورۋمعا وبلىسىمىزدىڭ «جاس ۇلان» ۇيىمىنىڭ وقۋشىلارىنا جاڭا باعىت بەرىپ، ۇلتتىق جانە جالپى ادامزاتتىق قۇندىلىقتارعا سايكەس رۋحاني دۇنيەسى كەڭ تۇلعانى قالىپتاستىرىپ، بالالار مەن جاسوسپىرىمدەردى قازاقستاندىق پاتريوتيزم رۋحىندا تاربيەلەپ جۇرگەن قورداي، جامبىل، شۋ، تالاس، بايزاق، مەركى، ت.رىسقۇلوۆ، جۋالى، مويىنقۇم جانە سارىسۋ اۋداندارىنىڭ تالىمگەرلەرى، ۇيلەستىرۋشىلەرى جانە قالادان مەكتەپتەن تىس جۇمىس جانە بالالار شىعارماشىلىق ورتالىعى، ءۇش تىلدە وقىتاتىن مامانداندىرىلعان دارىندى بالالارعا ارنالعان مەكتەپ-ينتەرناتى، ايشا ءبيبى اتىنداعى دارىندى قىز بالالارعا ارنالعان مامانداندىرىلعان «ءبىلىم-يننوۆاسيا» مەكتەپ-ينتەرناتى، دارىندى ەر بالالارعا ارنالعان مامانداندىرىلعان «ءبىلىم-يننوۆاسيا» مەكتەپ-ينتەرناتى، «دارىن» مەكتەپ-ينتەرناتى، «ن.تىلەندييەۆ» اتىنداعى مەكتەپ-ينتەرناتنىڭ تالىمگەرلەرى مەن ۇيلەستىرۋشىلەرى، اۋدان (قالا) ۇلانباسىلارى جانە بەلسەندى جاسۇلاندىقتارى قاتىستى.

وبلىستىق «كەمەلدى كەلەشەككە – كەمەڭگەر ەلباسىمەن!» اتتى «جاس ۇلان» بالالار مەن جاسوسپىرىمدەر ۇيىمىنىڭ كوشباسشىلارى اراسىنداعى فورۋمىنىڭ العاشقى كۇنىندە «جاستار جارقىن بولاشاقتىڭ يەسى» اتتى دوڭگەلەك ۇستەل ۇيىمداستىرىلدى.

شاراعا جامبىل وبلىسىنداعى "شاۋشەن" قوجالىعىنىڭ باسشىسى، قازاقستاننىڭ ەڭبەك ەرى س. دونەنبايەۆ، «كازفوسفات» جاۋاپكەرشىلىگى شەكتەۋلى سەرىكتەستىگىنىڭ باس ديرەكتورى، قازاقستاننىڭ ەڭبەك ەرى، جامبىل وبلىسىنىڭ قۇرمەتتى ازاماتى م. ەسكەندىروۆ جانە «نۇر وتان» پارتياسى وبلىستىق فيليالى ءتوراعاسىنىڭ ورىنباسارى – ش. تىلەۋمۇرات ارنايى شاقىرىلدى.

وبلىستىق فورۋمنىڭ سالتاناتتى كەزەڭى 15 قاراشادا مەكتەپ وليمپيادالارىن جانە مەكتەپتەن تىس ءىس-شارالاردى وتكىزەتىن وبلىستىق ورتالىعىندا جالعاسىن تاپتى. وبلىسىمىزدىڭ بەلسەندى جاسۇلاندىقتاردىڭ كوڭىلدى فلەشموبى ۇسىنىلدى. فورۋمدا ۇيىم قاتارىنا سالتاناتتى تۇردە بەلسەندى وقۋشىلار قابىلدانىپ، وبلىستىڭ ۇزدىك جاسۇلاندىقتارى مەن تالىمگەرلەرى ارنايى ديپلومدارمەن ماراپاتتالدى.

فورۋمدا جامبىل پوليتەحنيكالىق جوعارى كوللەدجىنىڭ بىلىمگەرلەرىنىڭ، قورداي، مەركى اۋدانىنىڭ ونەرلى وقۋشىلارىنىڭ جانە مەكتەپ وليمپيادالارىن جانە مەكتەپتەن تىس ءىس –شارالاردى وتكىزەتىن وبلىستىق ورتالىعىنىڭ «بوزتورعاي» ۇلگىلى ءان-بي ءانسامبىلىنىڭ كونسەرتتىك باعدارلاماسىمەن جالعاسىن تاپتى.