قاۋىپسىزدىك كەڭەسىنىڭ ءتوراعاسى نۇرسۇلتان نازاربايەۆ پرەزيدەنت كومەكشىسى، قاۋىپسىزدىك كەڭەسىنىڭ حاتشىسى اسەت يسەكەشيەۆتى قابىلدادى، دەپ حابارلايدى Qamshy.kz اقپارات اگەنتتىگى elbasy.kz سايتىنا سىلتەمە جاساپ. 

كەزدەسۋ بارىسىندا ەلباسى قاۋىپسىزدىك كەڭەسىنىڭ جاڭا جاعدايدا اتقارىپ جاتقان جۇمىسىنىڭ ماڭىزىنا توقتالدى. قاۋىپسىزدىك كەڭەسىنىڭ ۇلتتىق قاۋىپسىزدىكتى، قورعانىس قابىلەتىن، زاڭدىلىق پەن قۇقىقتىق ءتارتىپتىڭ ساقتالۋىن قامتاماسىز ەتۋدە ماڭىزدى ءرول اتقارعانى اتاپ ءوتىلدى.

ءوز كەزەگىندە اسەت يسەكەشيەۆ كوروناۆيرۋس ەپيدەمياسىنا قارسى جانە ەكونوميكالىق قاۋىپسىزدىكتى قامتاماسىز ەتۋمەن بايلانىستى داعدارىسقا قارسى ءىس-شارالاردى جۇزەگە اسىرۋ جونىندەگى قاۋىپسىزدىك كەڭەسىنىڭ شەشىمدەرىنىڭ ورىندالۋ بارىسى تۋرالى باياندادى.

سونىمەن قاتار، قازاقستاننىڭ تۇڭعىش پرەزيدەنتىنە ەلىمىزدەگى زاڭدىلىق پەن قۇقىقتىق ءتارتىپتىڭ احۋالى، اسكەري، قۇقىق قورعاۋ جانە ارنايى مەملەكەتتىك ورگانداردىڭ قىزمەتى بويىنشا ماسەلەلەر، سونداي-اق قورعانىس ونەركاسىبى كەشەنىنىڭ دامۋ پەرسپەكتيۆالارى جونىندە ەگجەي-تەگجەيلى اقپارات بەرىلدى.