قازاقستاندا ايىپپۇل سالماۋ ءۇشىن قوزعالتقىشتى قانشا ۋاقىتتا جىلىتۋ كەرەگى انىقتالدى.

زەرتتەۋلەر كورسەتكەندەي، كوپتەگەن كولىك ءۇشىن مايدىڭ بۇكىل جۇيەگە بىركەلكى تارالۋى ءۇشىن 1-2 مينۋت جەتكىلىكتى. 5 مينۋتتان ۇزاق قىزدىرۋ تەك وتىن شىعىنىن جانە زيان زاتتار شىعارىندىسىن ارتتىرۋى مۇمكىن.

جول قوزعالىسى ەرەجەسىنىڭ 88-بابى 5-تارماعىنا سايكەس، ەگەر بۇل تۇرعىندارعا قولايسىزدىق تۋعىزسا، ەلدى مەكەندەردە قوزعالتقىشى جۇمىس ىستەپ تۇرعان اۆتوكولىك قۇرالدارىن قويۋعا تىيىم سالىنادى. بۇل ەرەجەلەردى بۇزۋ اكىمشىلىك جازاعا اكەلۋى مۇمكىن. جول قوزعالىسى ەرەجەسىنىڭ 17-تاراۋىنىڭ 122-بابى 4-تارماعىندا دا وسىنداي تالاپ بار. 

وسىعان ۇقساس تالاپ جول قوزعالىسى ەرەجەسىنىڭ 17-تاراۋىنىڭ 122-تارماعىنىڭ 4-تارماقشاسىندا دا بار.

وسىلايشا، ەگەر كولىك قۇرالى قوزعالتقىشى جۇمىس ىستەپ تۇرعان كەزدە بەس مينۋتتان استام تۇرسا جانە بۇل تۇرعىندارعا قولايسىزدىق تۋدىرسا، وندا بۇل جاعدايدا اكىمشىلىك قۇقىق بۇزۋشىلىق تۋرالى كودەكستىڭ 597-بابىنىڭ 1-بولىگىندە (كولiك قۇرالدارىن توقتاتۋ نەمەسە توقتاپ تۇرۋ قاعيدالارىن بۇزۋ) كوزدەلگەن قۇقىق بۇزۋشىلىق بەلگىلەرى قاراستىرىلادى. بۇل بۇزۋشىلىق ءۇشىن ايىپپۇل 5 اەك (19 660 تەڭگە)، ال قايتالاپ جاساعانى ءۇشىن 10 اەك (39 320 تەڭگە) بولادى.

ءتارتىپ بۇزۋشىلاردى جاۋاپكەرشىلىككە تارتۋ ءۇشىن مەملەكەتتىك تىركەۋ نومىرلەرىن، كۇنى مەن ۋاقىتىن كورسەتىپ، ۇزاقتىعى 5 مينۋتتان اساتىن ۆيدەو ءتۇسىرۋ قاجەت.