ول اتاپ وتكەندەي، دەنساۋلىق ساقتاۋعا شىعىستاردىڭ ايتارلىقتاي ۇلعايعانىنا قاراماستان، ازاماتتاردىڭ مەديسينالىق قىزمەتتەردىڭ كورسەتىلۋىنە قاناعاتتانۋ دەڭگەيى تومەندەپ بارادى.

ماسەلەن، سوڭعى 3 جىلدىڭ وزىندە دەنساۋلىق ساقتاۋعا شىعىستار 2،8 ەسە ارتتى، ال حالىقتىڭ قىزمەتتەردىڭ ساپاسىنا قاناعاتتانۋ دەڭگەيى 47 پايىزعا دەيىن تومەندەگەن. دەنساۋلىق ساقتاۋ مينيسترلىگى مىندەتتى الەۋمەتتىك مەديسينالىق ساقتاندىرۋ ناتيجەلەرىنىڭ ءبىرى سانالاتىن دياگنوستيكالىق قىزمەتتەردىڭ تۇراقتى ءوسىپ جاتقانى تۋرالى ۇنەمى ەسەپ بەرەدى. ولاردىڭ دەرەكتەرى بويىنشا كونسۋلتاسيالىق – دياگنوستيكالىق قىزمەتتەر سانى، كومپيۋتەرلىك جانە ماگنيتتىك-رەزونانستىق توموگرافيا قىزمەتتەرىنىڭ سانى 7 ەسە وسكەن، - دەيدى ەسپايەۆا.

الايدا دەپۋتاتتىڭ ايتۋىنشا، دياگنوستيكالىق قىزمەتتەردىڭ ءوسۋى اۋرۋدى ەرتە انىقتاۋعا ەشقانداي اسەر ەتپەگەن.

ءتىپتى، كەيبىر جاعدايلاردا بۇل قىزمەتتەر قاجەتتىلىكتىڭ جوقتىعىنا قاراماستان تاعايىندالعان. اتالعان سالانى قارجىلاندىرۋ كولەمى ۇلعايسا دا شەشىمىن تاپپاعان جۇيەلى پروبلەمالار ءالى بار، - دەدى دانيا ەسپايەۆا ۇكىمەت ساعاتىندا.