جەتىسۋ اۋدانىنىڭ زەينەتكەرى قالا اكىمنە قاڭتار ايىندا سۋدىڭ ءتاريفى ءۇش ەسە قىمباتتاعىنا ايتىپ شاعىمداندى.

مەن حوجامياروۆ كوشەسىندە تۇرامىن. مەنىڭ زەينەتاقىمنىڭ ءوزى بار بولعانى 90 مىڭ تەڭگە. جەلتوقساندا 2600 تەڭگە تولەگەن بولسام، قاڭتاردا تاريف ءۇش ەسە ءوستى. ءقازىر 9 مىڭ تەڭگەدەن استام ەسەپشوت كەلگەن. بۇل ءتاريفتىڭ كوتەرىلۋ سەبەبىن ءتۇسىندىرىڭىزشى؟ بۇلاي قىمباتتاي بەرسە ازىق-تۇلىككە اقشا قالمايدى،- دەدى قالا تۇرعىنى.

الماتى قالاسىنىڭ اكىمى سۋدىڭ تاريفتەرى كۇرت وسپەگەنىن مالىمدەدى.

ءبىز تۇتىنۋ كولەمىنە قاراي سارالاۋ جاسادىق. شوتتار رەتتەلەدى، ادام باسىنا قانشا قاجەت ەكەنىن ەسەپتەدىك، تۇتىنۋ نورمالارىن وزگەرتتىك، سونىڭ ناتيجەسىندە وزگەرىستەر بولدى. ءبىز الماتىدا سۋدى ۇنەمدەپ پايدالانۋعا مۇقيات قاراعانىن قالايمىز. بىزدە بۇل ماسەلە ءالى دە بار جانە ودان قاشا العان جوقپىز، سوندىقتان ۇتىمدى، ۇنەمدى، قاجەتتىلىگىنە قاراي پايدالاناتىن ادامدار جانە ءبىز ءبىر ادامعا قويعان نورمالار ولار بارلىق نارسەنى قاناعاتتاندىرادى، ياعني ەشقانداي شەكتەۋلەر جوق. ءبىراق باقتار اۋىز سۋمەن سۋارىلماۋ كەرەك. سۋ - ءبىزدىڭ باستى بايلىعىمىز... ءبىز قوسىمشا مۇمكىندىكتەردى، سۋ ورىندارىن ىزدەۋمەن اينالىسىپ جاتىرمىز،- دەدى قالا اكىمى.