ۋاقىتشا ۇستاۋ يزولياتورىندا شەرزات پولاتتىڭ ولىمىنە كۇدىكتىلەردىڭ تۋعان كۇن تويلاپ جاتقانى تۋرالى ۆيدەو تارالعانىن قورعاۋشى سايدا تاۋەكەلوۆا حابارلادى.
اتالعان ۆيدەودا كۇدىكتىلەردىڭ تەلەفون ۇستاپ، "اليساعا" ءان قويدىرىپ، تورتقا شام جاعىپ، كوتەرىڭكى كوڭىل كۇيدە ەكەنى بايقالادى.
الماتى وبلىسىنىڭ پوليسيا دەپارتامەنتى اتالعان جايتقا بايلانىستى قىزمەتتىك تەكسەرىس جۇرگىزىلىپ جاتقانىن حابارلادى.
– قاماۋداعىنىڭ ءبىرىنىڭ تۋعان كۇنىن اتاپ ءوتۋ ءساتى جازىلعان بەينەجازبانىڭ تارالۋ فاكتىسى بويىنشا جان-جاقتى تەكسەرۋ جۇرگىزىلۋدە. بارلىق كىنالى تۇلعا، سونىڭ ىشىندە باسشىلىق تا، قاتاڭ جاۋاپكەرشىلىككە تارتىلادى. تەرگەۋ بارىسى ەرەكشە باقىلاۋعا الىندى. وسى قۇقىق بۇزۋشىلىققا ىقپال ەتكەن سەبەپتەر مەن جاعدايلاردى جويۋ بويىنشا شارالار قابىلداندى، – دەلىنگەن دەپارتامەنتتىڭ الەۋمەتتىك جەلىدەگى رەسمي پاراقشاسىندا.
ەسكە سالايىق، 22 قاڭتاردا پوليسيا شەرزات ءىسى بويىنشا قىلمىستىق ءىستى تەرگەۋ اياقتالعانىن مالىمدەگەن.
پىكىر قالدىرۋ