دوڭگەلەك ۇستەل بارىسىندا دەپۋتات جيگۋلي دايرابايەۆ ەكى جىل ىشىندە قازاقستان كارتاسىنان 80 اۋىل جوعالىپ كەتكەنىن مالىمدەدى. 

ماجىلىسمەن رەسمي دەرەكتەرگە سۇيەنە وتىرىپ، وتكەن جىلدىڭ 1 قازانىنداعى جاعداي بويىنشا اۋىلدىق جەرلەردە قازاقستان حالقىنىڭ 37،2 پايىزى تۇراتىنىن ايتتى.

"جىل سايىن بۇل كورسەتكىش تومەندەپ كەلەدى. بۇگىنگى تاڭدا قازاقستاندا 6208 اۋىل بار. ال 2023 جىلى 6286 اۋىل بولعان. وسىلايشا، ەكى جىلدىڭ ىشىندە 80 اۋىل جوعالىپ كەتتى. ۇلتتىق ستاتيستيكا بيۋروسىنىڭ دەرەكتەرىنە سايكەس، وتكەن جىلى قازاقستاندىق اۋىلدارداعى حالىقتىڭ كوشى-قون سالدوسى مينۋس 111 400 ادامدى قۇرادى"، - دەپ اتاپ ءوتتى دايرابايەۆ.

دەپۋتاتتىڭ ايتۋىنشا، بۇل سوڭعى 25 جىلداعى ەڭ تومەنگى كورسەتكىش.

"الماتى جانە اتىراۋ وبلىستارىن قوسپاعاندا، بارلىق وڭىرلەردە كوشى-قون سالدوسى نولدىك بەلگىدەن تومەن بولدى. 29،2 مىڭ ادام كەتكەن تۇركىستان وبلىسىنداعى جاعداي ەرەكشە الاڭداۋشىلىق تۋعىزۋدا"، - دەدى ماجىلىسمەن.