American Airlines әуе компаниясының қызметкері Нью-Йорктегі Ла-Гуардия әуежайында тазалық жұмыстарын жүргізу барысында дәретханада адам эмбрионын тауып алған, деп хабарлайды РИА Новости. Өлі ұрық Шарлоттадан (Солтүстік Каролина штаты) түнгі рейспен Нью-Йорк әуежайына қонғаннан кейін табылған.
Ұрық табылған жерге полиция қызметкерлері келді. Олар істі прокуратураға жіберді.
«Біз бұл жағдайды тексеріп, құқық қорғау органдары қызметкерлерімен жұмыс істеп жатырмыз», - дейді American Airlines өкілі.
Әуежай өкілдері Twitter парақшасында аталмыш рейспен ұшқан ұшақ тексеріліп жатқандықтан рейстер кешігіп жолға шығатынын ескертті.
Пікір қалдыру