Бұл туралы қоғамдық коммуникация орталығында өткен брифингте мәлім болды.

Өңірде ауылшаруашылығы саласында су тапшылығы мәселесі жоқ емес. Дегенмен, осы салада нәпақасын тауып жүрген кәсіпкерлерге мемлекет тарапынан көптеп көмектер берілуде. Жалпы облыс бойынша инвестициялық жобаларға 437 млн. теңге бөлінген. Қосымша  650 млн теңгеге сұраныс  жолданды.

«Бүгінде 61 агроөнеркәсіп субектісі мемлекет тарапынан қолдау тапты. Оның ішінде 33 құдық қазылды. Бұл құдықтарға қаражаттың 50 пайызы республикадан бөлінсе, 30 пайызын жергілікті бюджет қамтамасыз етеді» - деді Маңғыстау облысы әкімінің орынбасары Бақытжан Қашақов.

Осыған дейін қойылған талап бойынша қазылатын құдық 100 метрден төмен болмау керек болса, қазіргі таңда 375 метрге дейін ұзарған.