Jas ánshi Tóreǵalı Tóreáli Rınat Zaıytov týraly pikirin bildirip, tipti onyń sózinen ózin ustazym degen Rınattyń kóleńkesinde qalyp qoıǵanyna ókinishin bilýge bolady, - dep jazady Korespondent.
Ǵalamtorda ánshiniń kezekti bir kezdesýinde bolǵan áńgimesi tarap ketti. Onda kezdesýge kelgenderdiń biri ánshiniń aqyn Rınatqa qatysty oıyn bilmek bolyp, suraq qoıady.
«Mańyzdy suraq eken, oryndydan buryn. Rınat - meniń aıtystaǵy ustazym. Aıtysqa kelip, aıtysta qalaı shoý jasaý kerektigin, qupıalaryn, syrlaryn barlyǵyn ashyp aıtqan. Aıtysta mynandaı sóz aıtsań dep baǵyt bergen ustazym Rınat Zaıytov bolǵan. Keıinnen men aıtystan kettim dep eki qolymdy siltegende bir-birimizdi túsine almaı júrdik.
Qazir jaqsy aramyz. «Halyq aıtsa, qalp aıtpaıdy» deıdi. Keıde ósek-aıańdar jyldam bolyp ketedi ǵoı. Osy jerde men qazir "Rınat negizi mynandaı eken ǵoı" dep sybyrlap aıtsam, myna jerde 100 adam otyrsa, men Almatyǵa jetem degenshe myń shaqty adam estip qoıady ony. Mysaly úshin «Rınat Nazarbaevtyń adamy eken, ásheıin sóıtip júr eken ǵoı» desem myń adamǵa taraıdy...»-dep oıyn aıtqan ánshi qoıylǵan suraqtan kishkene aýytqysa kerek, kórermen «Rınatty shyndyqty aıta alatyn adam dep sanaısyz ba?»,- degen suraǵyn qaıtalady. Bul saýalǵa Tóreǵalı Tóreáli ózi de aıtysta júrip talaı shyndyqty aıtqanyn, tek Rınattyń kóleńkesinde qalyp qoıǵanyn jasyrmady.
«...Men de aıtysta shyndyqty az aıtqan joqpyn. Men qatysatyn aıtystarǵa Rınat ta mindetti túrde bolatyn. Ekeýmiz birge daıyndalatynbyz. Men onyń kóleńkesinde qalyp ketetinmin... Meni eshkim baıqamaıtyn, men shyndyqty aıtyp-aıtyp ketetinmin. Rınat shyqqan kezde halyq basqasha bolyp, meniń aıtqanym umytylyp ketedi. Rınattyń kóp jerine meniń qatysym bar. Áli kúnge deıin ózimiz kúlip te aıtamyz»,-degen ol shyndyqty aıtqan jyldary ol qysym kórmegenin, múmkin oǵan Zaıytovty ózi qorǵan bolǵan shyǵar dep ton pishken. Sonymen qatar jas ánshi belgili aqyn Baýyrjan Qalıollaulyna qatysty oqys oqıǵaǵa jaıynda da pikirin bildirgen.
«Baýyrjan Qalıolluly degen aqyndy bilesizder ǵoı. Artynan pyshaqtap, atyp ketti dep... Kim biledi sol aıtystan keıin ózi iship alyp tóbelesti me?.. Sodan keıin halyqty bılikten kóre salady dep oılady ma? Kim biledi?.. Shyndyqty aıtqan jaqsy ǵoı», -dep oıyn túıindedi ol.
