Osy aptada Elbasy Nursultan Nazarbaevtyń Jarlyǵymen elimizdiń Ýkraına, Grekıa jáne Japonıadaǵy Elshileri aýysty. Munan bólek, jańa bilim vıse-mınıstri qyzmetine kirisse, jergilikti jerlerde de kadrlyq aýys-túıis oryn aldy, - dep jazady QazAqparat.

Sonymen, Samat Islamuly Ordabaev Qazaqstan Respýblıkasynyń Ýkraınadaǵy Tótenshe jáne Ókiletti Elshisi qyzmetine taǵaıyndaldy.

Ol 1958 jyly 13 qańtarda Almaty oblysy Kerbulaq aýdanynda dúnıege kelgen. Qazaq aýyl sharýashylyǵy ınstıtýtyn bitirgen. 1980-1990 jyldary - V.I.Lenın atyndaǵy Búkilodaqtyq aýyl sharýashylyǵy ǵylymdary akademıasynyń Shyǵys bóliminde aspırant, kishi, aǵa ǵylymı qyzmetker. 1990-1992 jyldary - QazNIINTI bólim meńgerýshisi. 1992-1994 jyldary - Qazaq aýyl sharýashylyǵy ǵylymdary akademıasynyń ǵalym-hatshysy. 1994-1996 jyldary - QR Ǵylym jáne jańa tehnologıalar mınıstrliginiń basqarma bastyǵynyń orynbasary. 1996 jyly - QR-nyń TMD qatysýshy elderimen yntymaqtastyq jónindegi Memlekettik komıtettiń bólim bastyǵy. 1998-2000 jyldary - QR SİM úshinshi, ekinshi, birinshi hatshysy, bólim bastyǵy, basqarma bastyǵy. 2000-2003 jyldary - QR-nyń Belarýstaǵy elshiliginiń keńesshisi. 2003-2004 jyldary - QR SİM TMD isteri komıteti tóraǵasynyń orynbasary. 2004-2005 jyldary - QR SİM TMD departamentiniń dırektory. 2005-2006 jyldary - QR-nyń Reseı Federasıasyndaǵy elshiliginiń keńesshisi. 2006-2007 jyldary - TMD atqarý komıteti tóraǵasynyń orynbasary - atqarýshy hatshysy. 2007-2013 jyldary - QR-nyń Reseı Federasıasyndaǵy elshiliginiń keńesshi-elshisi. 2013 jyldan QR Syrtqy ister mınıstriniń orynbasary bolǵan edi. II synypty Tótenshe jáne Ókiletti Ýákil dárejesi bar. «Qazaqstan Konstıtýsıasyna 10 jyl», «Astananyń 10 jyldyǵy» medaldarymen, Qazaqstan Respýblıkasy Prezıdentiniń Alǵysymen UQK Ujymdyq qaýipsizdik kelisimi uıymynyń alǵysymen marapattalǵan.

Al Alekseı Iýrevıch Volkov Qazaqstan Respýblıkasynyń Grek Respýblıkasyndaǵy Tótenshe jáne Ókiletti Elshisi qyzmetine kiristi.

1958 jyly 21 mamyrda Almaty qalasynda dúnıege kelgen A.Volkov S.Kırov atyndaǵy Qazaq memlekettik ýnıversıtetin, Malaızıa Dıplomatıa jáne halyqaralyq qatynastar ınstıtýtynyń kýrstaryn bitirgen. Tarıh ǵylymdarynyń kandıdaty. 1996-1999 jyldary - QR-nyń Shveısarıa Konfederasıasyndaǵy Elshiliginiń keńesshisi, keńesshi-ýákili, Jenevadaǵy BUU bólimshesi janyndaǵy QR Turaqty Ókiliniń orynbasary (Shveısarıa Konfederasıasy). 1999-2003 jyldary - QR Prezıdentiniń Kómekshisi Hatshylyǵynyń basshysy, Qazaqstan Respýblıkasy Prezıdenti Ákimshiligi Keńsesiniń Memlekettik ınspektory. 2003 jyldyń mamyr aıynan 2005 jyldyń qyrkúıek aıyna deıin - QR Syrtqy ister mınıstriniń orynbasary. 2005-2012 jyldary - QR-nyń Polsha Respýblıkasyndaǵy Tótenshe jáne Ókiletti Elshisi. 2012 jyldan QR Syrtqy ister mınıstriniń orynbasary qyzmetin atqarǵan. Tótenshe jáne Ókiletti Elshi dıplomattyq dárejesi bar. «Qazaqstan Respýblıkasynyń Táýelsizdigine 10 jyl», «Qazaqstan Respýblıkasynyń Parlamentine 10 jyl», «Astananyń 10 jyldyǵy» mereıtoılyq medaldarymen, Qazaqstan Respýblıkasy Prezıdentiniń alǵys hatymen, «Qurmet» ordenimen, «Qazaqstan Respýblıkasynyń Táýelsizdigine 20 jyl» medalimen jáne Polsha Respýblıkasy Avtokefaldyq Pravoslavıelik shirkeýiniń «Qasıetti Marıa Magdalena» ordenimen marapattalǵan.

Erlan Baýdarbek-Qojataev Qazaqstan Respýblıkasynyń Japonıadaǵy Tótenshe jáne Ókiletti Elshisi qyzmetine taǵaıyndaldy.

E.Qojataev 1967 jyly 8 maýsymda Taraz qalasynda dúnıege kelgen. S.Kırov atyndaǵy Qazaq memlekettik ýnıversıtetin támamdaǵan, jýrnalıs. 1992-2008 jyldary QR SİM-niń aýmaqtyq basqarmalary men departamentterinde ártúrli laýazymdarda boldy. 2008 jyldan bastap QR-nyń Sıngapýr Respýblıkasyndaǵy Tótenshe jáne Ókiletti Elshisi bolǵan. Qazaqstan Respýblıkasynyń Avstralıadaǵy, Jańa Zelandıadaǵy Tótenshe jáne Ókiletti Elshisi mindetin qosa atqarǵan. «Qazaqstan Konstıtýsıasyna 10 jyl», «Astananyń 10 jyldyǵy» medaldarymen, QR qurmet gramotasymen, QR Prezıdentiniń Alǵys hatymen marapattalǵan.

Osy aptada Bilim jáne ǵylym mınıstri Erlan Saǵadıev mınıstrlik ujymyna jańa vıse-mınıstr Sýhanberdıeva Elmıra Amangeldiqyzyn tanystyrdy.

E.Sýhanberdıeva 1971 jyly Atyraý oblysynda dúnıege kelgen. 1995 jyly ál-Farabı atyndaǵy Qazaq ulttyq ýnıversıtetiniń tarıh fakúltetin, 2006 jyly Halyqaralyq eńbek akademıasyn «zańger bakalavry» mamandyǵy boıynsha, 2009 jyly Halyqaralyq bıznes akademıasyn (MVA) «İskerlik ákimshilendirý magıstri» mamandyǵy boıynsha bitirgen. 2013 jyldan 2016 jylǵy sáýir aıy aralyǵynda Astana qalasy bilim basqarmasynyń basshysy qyzmetinde bolǵan. Astana jáne Almaty qalalary ákimderiniń, «Daryn» respýblıkalyq ǵylymı-praktıkalyq ortalyǵynyń alǵys hattarymen, «Y.Altynsarın» atyndaǵy belgimen, «Eren eńbegi úshin», «Qazaqstan halqy Assambleıasyna 20 jyl», «Qazaqstan Respýblıkasynyń Konstıtýsıasyna 20 jyl» mereıtoılyq medaldarymen marapattalǵan.

Qyzylorda oblysy ákiminiń ókimimen Bekpanov Baqytbek Tursynbekuly Qazaqstan Respýblıkasy Prezıdentiniń «Baıqońyr» keshenindegi arnaýly ókiliniń qyzmetin qamtamasyz etý basqarmasynyń basshysy laýazymyna taǵaıyndaldy. Baqytbek Tursynbekuly 1980 jyly Qyzylorda oblysy Qarmaqshy aýdanynda dúnıege kelgen. 2001 jyly Qorqyt Ata atyndaǵy Qyzylorda gýmanıtarlyq ýnıversıtetin memlekettik jáne mýnısıpaldyq basqarý, 2003 jyly Qazaq akademıalyq ýnıversıtetin zańger mamandyǵy boıynsha bitirgen. Eńbek jolyn 2001 jyly Qarmaqshy aýdandyq qarjy bóliminiń jetekshi mamany bolyp bastaǵan. 2002-2005 jyldary - Qarmaqshy aýdandyq qarjy bóliminde bólimshe bastyǵy, 2005-2008 jyldary - Qarmaqshy aýdandyq ekonomıka jáne búdjettik josparlaý bólimi bastyǵynyń orynbasary, 2008-2010 jyldary - Qarmaqshy aýdandyq jumyspen qamtý jáne áleýmettik baǵdarlamalar bóliminiń bastyǵy bolǵan. 2010-2013 jyldary Qarmaqshy aýdandyq kásipkerlik bóliminiń bastyǵy qyzmetterin atqarǵan. 2013 jyldan osy kezge deıin Qarmaqshy aýdandyq ekonomıka jáne búdjettik josparlaý bóliminiń basshysy qyzmetin atqaryp keldi.

Arman Shaqqalıev Eýrazıalyq ekonomıkalyq komısıanyń Tehnıkalyq retteý jáne akredıtteý departamentiniń (Máskeý q.) dırektory laýazymyna taǵaıyndaldy. Buǵan deıin ol Qazaqstan standarttaý jáne sertıfıkattaý ınstıtýtyn basqardy.

A.Shaqqalıev 1977 jyly Qaraǵandy oblysynda dúnıege keldi. M. Dýlatov atyndaǵy Qostanaı ınjenerlik-ekonomıkalyq ýnıversıtetin (standarttaý, sertıfıkattaý jáne metrologıa), L.N. Gýmılev atyndaǵy Eýrazıalyq ulttyq ýnıversıtetin (zańger), E.A. Bóketov atyndaǵy Qaraǵandy memlekettik ýnıversıtetin (ekonomıs) bitirdi. Sapa menedjmenti júıeleriniń sáıkestigin rastaý jónnidegi sarapshy-aýdıtor. Halyqaralyq ınjenerlik akademıanyń korespondent múshesi bolyp saılandy. Investısıalar jáne damý mınıstrligi Tehnıkalyq retteý jáne metrologıa komıtetiniń «Qazaqstan standarttaý jáne sertıfıkattaý ınstıtýty» RMK bas dırektorynyń laýazymynda 2008 jyldan bastap qyzmet atqardy. Tehnıkalyq retteý júıesindegi eńbek jolyn «Qazaqstan metrologıa ınstıtýty konsaltıń» EMK dırektory bolyp 2004 jyly bastady. Integrasıalyq birlestikti qurý aıasynda 2010 jyldan bastap eńbek etken jyldary ishinde ol Keden odaǵynyń normatıvtik-quqyqtyq bazasyn qalyptastyrýǵa  belsendi qatysty.

Óskemen qalasy ákimi qyzmetine buǵan deıin SHQO ákimi apparatynyń basshysy bolǵan Erlan Aımuqashev keldi.

E.Aımuqashev 1970 jyldyń 18 naýryzynda dúnıege kelgen. Pavlodar pedagogıkalyq ınstıtýtyn jáne Pavlodar ýnıversıtetin támamdaǵan. 2000 jyldan bastap memlekettik basqarý júıesinde qyzmet atqaryp keledi. Pavlodar oblysy ákimdiginde jumys jasady, Qazaqstan Respýblıkasy Premer-Mınıstriniń kómekshisi boldy. 2012 jyldan 2014 jylǵa deıin Eýrazıalyq ekonomıkalyq komısıanyń energetıka jáne ınfraqurylym boıynsha alqa múshesi (Mınıstr) hatshylyǵynyń basshysy boldy. Óskemen qalasy ákimi laýazymyna taǵaıyndalǵanǵa deıin Shyǵys Qazaqstan oblysy ákiminiń apparat basshysy qyzmetin atqardy.

QR Bas prokýrory Asqat Daýylbaevtyń buıryǵymen elimizdiń tórt oblysynda kólik prokýrorlary taǵaıyndaldy.

Atap aıtqanda, Shymkent kólik prokýrory bolyp Baıǵonysov Ǵalym Omarbekuly taǵaıyndaldy.

Ǵ.Baıǵonysov 1977 jyly týǵan, prokýratýra organynda úlken jumys tájirıbesi bar. Ol eńbek jolyn 2000 jyly Aqmola kólik prokýrorynyń kómekshisi qyzmetinen bastady. QR Bas prokýratýrasynyń memlekettik organdar qyzmetiniń zańdylyǵyn qadaǵalaý departamentinde, Qostanaı kólik prokýratýrasynda, Mańǵystaý kólik prokýratýrasynda qyzmetter atqardy. Ádilet keńesshisi synyptyq sheni bar. 

Al Mańǵystaý kólik prokýrory bolyp Áshenov Muhıtbek Batyrbekuly taǵaıyndaldy. Ol 1980 jyly týǵan, prokýratýra organdarynda úlken tájirıbesi bar. Prokýratýra salasyndaǵy eńbek jolyn 1999 jyly Ońtústik Qazaqstan oblysy Otyrar aýdany prokýrorynyń kómekshisi qyzmetinen bastady. Keıinnen Ońtústik Qazaqstan oblysy Eńbekshi aýdany, Ál Farabı aýdany, Qazyǵurt aýdany prokýrorynyń orynbasary, Arys kólik prokýrorynyń, Jambyl kólik prokýrorynyń orrynbasary qyzmetterin atqarǵan. Ádilet keńesshisi synyptyq sheni bar. 

Jambyl kólik prokýrory bolyp Maılybaev Erhan Asaýbaıuly taǵaıyndaldy. E. Maılybaev 1977 jyly týǵan, prokýratýra organdarynda úlken tájirıbe jınaqtaǵan. Ol eńbek jolyn 1998 jyly Taraz qalasy prokýrorynyń kómekshisi qyzmetinen bastady. Jambyl oblystyq prokýratýrasynda, Astana qalasy prokýrorynyń prokýrorlyq basqarmasynda qyzmet etti. Ár jyldary «Astana-Azıa» JSHS zań bóliminiń basshysy qyzmetin atqardy, Pavlodar qalalyq sotynyń sýdıasy, Atyraý oblysy Jylyoı aýdany sotynyń tóraǵasy boldy. 2009 jyly QR Bas prokýratýrasynyń áleýmettik-ekonomıkalyq salalar boıynsha zańdylyqty qadaǵalaý departamentinde bólim bastyǵy, Aqtaý qalasynyń prokýrory, Shymkent kólik prokýrory qyzmetterin atqardy. Ádilet keńesshisi synyptyq sheni bar.

Aqtóbe kólik prokýrory bolyp Ordabaev Abylaıbek Asylbekuly taǵaıyndaldy. Ol 1978 jyly týǵan, prokýratýra organynda úlken tájirıbesi bar. Prokýratýra salasyndaǵy eńbek joly 2003 jyly Oral jáne Aqtóbe kólik prokýrorlary kómekshisiniń mindetin atqarýshy, Aqtóbe kólik prokýrorynyń aǵa kómekshisi, Qandyaǵash kólik prokýrorynyń aǵa kómekshisi qyzmetterin atqardy. QR Bas prokýratýrasynda jedel-izdestirý qyzmeti zańdylyǵyn qadaǵalaý departamentinde aǵa prokýror, bólim bastyǵy qyzmetterinde boldy. Ádilet keńesshisi synyptyq sheni bar.

«Nur Otan» partıasy janyndaǵy Jemqorlyqqa qarsy is-qımyl jónindegi respýblıkalyq qoǵamdyq keńesiniń tóraǵasy qyzmetine Janat Jarasov keldi. Ol F.Dzerjınskıı atyndaǵy Memlekettik qaýipsizdik komıtetiniń joǵary mektebin bitirgen. 2000-2009 jyldardyń aralyǵynda QR Ulttyq qaýipsizdik komıtetinde túrli basshylyq qyzmetter atqardy. 2009 jyldyń jeltoqsanynan 2011 jyldyń 23 qarashasyna deıin QR Ulttyq qaýipsizdik komıteti tóraǵasynyń orynbasary boldy. General-maıor áskerı sheni bar. QR Parlament Májilisiniń V jáne VI shaqyrylymdarynyń depýtaty bolyp saılanǵan.

Batys Qazaqstan oblystyq sot ákimshisiniń basshysy bolyp Rahymqul Aıtmaǵambetov taǵaıyndaldy. R.Aıtmaǵambetov 1983 jyly BQO-nyń Shyńǵyrlaý aýdanynda dúnıege kelgen. 2004 jyly Batys Qazaqstan ınjenerlik-tehnologıalyq ýnıversıtetin ekonomıs, 2006 jyly Qazaq-orys halyqaralyq ýnıversıtetin quqyqtaný mamandyǵy boıynsha bitirgen. Sot salasynda 2006 jyldan beri qyzmet etip keledi. 2014 jyldan beri BQO soty keńsesi basshysynyń orynbasary (BQO sottary ákimshisi basshysynyń orynbasary) boldy.

«Sesnabank» AQ Basqarma Tóraǵasynyń Birinshi orynbasary laýazymynda qyzmet atqarǵan Tájiıaqov Erjan Bısenǵalıuly «Sesnabank» AQ Basqarma Tóraǵasy bolyp taǵaıyndaldy.

E.Tájiıaqov ár jyldary «HSBC Bank Qazaqstan» AQ EB, «Qazaqstan Damý Banki» AQ, Qazaqstan Respýblıkasynyń Halyq Banki, «Kazkommersbank» AQ, sondaı-aq ulttyq kompanıalarda basshylyq qyzmetter atqardy. 2013 jyldan bastap «Sesnabank» AQ-ta Basqarma Tóraǵasynyń orynbasary, Basqarma Tóraǵasynyń Birinshi orynbasary, Banktiń bas táýekeldik-menedjeri bolyp qyzmet atqaryp keldi.

«Zerde» Ulttyq ınfokommýnıkasıalyq holdıńi» AQ Basqarmasynyń sheshimimen Haırýshev Asqar Evgenevıch «Qazteleradıo» AQ basqarma tóraǵasy laýazymynda mindetin atqarýǵa kiristi. Asqar Haırýshevtiń telekomýnıkasıa salasynda, kompanıa saıasatyn basqarý jáne anyqtaý, tıimdi marketıńtik, komersıalyq qyzmetter, sondaı-aq bıznes-prosessterdi qurýda kópjyldyq eńbek tájirıbesi bar. 1987 jyly Almaty energetıkalyq ınstıtýtyn radıoınjener mamandyǵy boıynsha támamdaǵan. Eńbek ótilin 1987 jyly Almatydaǵy arnaıy Konstrýktorlyq búronyń bólim ınjeneri qyzmetimen bastady. «TNS-Plus» AQ, «Almatytelekom» QTO, «Regýl-Telekom+» JSHS, «Mobaıl Telekom - Servıs», «ZTE Qazaqstan», «Gilat Satellite Networks Ltds» sekildi kompanıalarda basqarýshy laýazymdarda qyzmet etti.