Almaty halqy jer satýǵa qarsylyq bildirip kóshege shyqty, - dep habarlaıdy Qamshy.kz 31-arnaǵa silteme jasap.

Jaı ýaqytta basy birikpeıtin qoǵamdyq uıymdar qarsylyq aksıasyna birge keldi. Beıbit sherýge kelgen halyqtyń talaby ortaq – «jer satylmasyn!». Bılik ókilderi jerdiń satylmaıtynyn, tek jalǵa beriletinin aıtyp qansha aldaýsyratqanymen, halyq 1 shildeden bastap talapaıǵa túsetin jerdiń bolashaǵyna alańdaıdy.

Jyl saıyn 22 sáýirde Lenındi ulyqtaıtyn komýnıser de, attandap uran tastaıtyn Amantaı qajynyń qozǵalysy da, alashshyl top ókilderi de úkimet bastamasyna qarsylyq bildirip, jer satýǵa qatysty pikirlerin aıtýǵa birge jınaldy. Saıası baǵyttary qaıshy toptar bir mıtıńtiń ózinde bólinip turǵanymen, "jer satylmasyn!" degen ustanymdary ortaq.

ARSENTI NAPOLIMO, Mıtıńke qatysýshy:

- Jerdi saýdalaýǵa patsha ókimeti kezinde de, keńes odaǵynda da qatań tyıym salynǵan. Jer qashan da halyqtiki bolǵan. Eger qazir bılik jer satýdy bastasa, onda elde kapıtalısik júıeni damytpaqshy.

SÁLİMBAI ORAZALIEV, "Jer ana" qoǵamdyq birlestiginiń tóraǵasy:

- Jerdi tovarǵa aınaldyrýǵa bolmaıdy. Burynǵy sovet kezindegideı jer memlekettiń menshiginde bolý kerek. Kimge kerek jer, mysaly, aýylsharýashylyq maqsatta, barsyn da arendaǵa alsyn.

"Jer ana" birlestiginiń tóraǵasy naqty jospary bolmasa da, jer satylmasyn degen úndeýdi beıbit túrde bılikke jetkizýge tyrysamyz deıdi. Birlestik músheleri bir aıdan keıin jappaı qarsylyq bildiremiz dep josparlaýda. Al Amantaı qajy bunyń bárin sátsizdik pen saıası júıedegi olqylyqtardan kóredi.

AMANTAI QAJY ASYLBEKOV, "Attan, Qazaqstan" qozǵalysynyń jetekshisi:

- Jer satylǵan ol jaman nárse. Ol - qazaqtyń jeri Alla bergen. Satýǵa bolmaıdy. Esh memlekette ondaı joq. Bul qazaqta ǵana bolyp tur. Mynaý mafıa, korrýpsıa qazaqtyń keń baılyǵyn satyp-satyp, maılanyp-maılanyp ury bolyp aldy ǵoı. 

Narazylyqtaryn ashyna aıtqan halyq pikirlerine bılik qulaq aspasa qarsylyq sharalaryn jalǵastyra beremekshi. Jer satýǵa qarsylyq bildirý keleshek urpaq qamy deıdi olar.