Almaty qalasynda 2016 jyly kásipkerlerdi óndiris alańdarymen qamtamasyz etý maqsatynda jer telimderin túgendeý sharasy júrgizildi, dep habarlaıdy Qamshy.kz.  Bul týraly Ult jospary - «100 naqty qadamdy» oryndaý boıynsha osyǵan deıin atqarylǵan isterdi qorytyndylaý boıynsha uıymdastyrylǵan baspasóz máslıhaty barysynda qala ákimi Baýyrjan Baıbek aıtty.

Qorytyndy boıynsha qalada 753 bos jatqan jer telimderi anyqtalyp, olardyń 80 paıyzynyń menshik ıelerine paıdalanýyna shekteý qoıylyp otyr. 

 «Almaty qalasynda bos jatqan jer joq» degen sózdi jıi estımiz. Jer joq emes. Barshylyq. Alaıda olardy anyqtap, aınalymǵa engizý qajet. Almatyda tipti maqsatsyz qoldanylyp jatqan aýyl sharýashylyq jer telimderi bar ekeni belgili boldy. Mundaı jerler aldaǵy ýaqytta májbúrli túrde qala menshigine alyp, saýdaǵa shyǵarýymyz múmkin. Qazir, qalada jalpy aýmaǵy 329 gektar bolatyn 107 jer teliminiń menshik ıelerine eskertý jiberilip otyr. Sondaı-aq, búgingi tańda qalada jalpy aýmaǵy 88 gektar bolatyn, jumysy toqtap turǵan 116 óndiris nysandary anyqtalǵan. OSy nysandarda qosymsha ınfraqurylym jasaýǵa aqsha shyǵyndamaı-aq, jańa óndiris kózin ashýǵa bolady.», - dedi ákim.