Jańadan saılanǵan Májilis depýtattarynyń qonaq úıinen artylǵan 40 mıllıon teńgeniń qazynaǵa qaıtarylǵan-qaıtarylmaǵany bir apta ótse de, belgisiz. Tipti búdjettiń jumsalýyn baqylaıtyn bas organnyń ózi aqshanyń qaıda ekenin bilmeıtin bolyp shyqty, - dep habarlaıdy Qamshy.kz 31-arnaǵa silteme jasap.

Esep komıteti ádette "Prezıdentke tikeleı baǵynyp, esep beretin biz" dep jıi bas kóteretin. Biraq búgin komıtet tóraǵasy Qozy-Kórpesh Jańbyrshın májilismenderdiń elıt klasty qonaqúıdegi kúnderi úshin memleket shyǵyndalǵan 40 mıllıonnyń qaıtqan-qaıtpaǵanyn bilmeıtin bolyp shyqty.

QOZY-KÓRPESH JAŃBYRSHIN, Respýblıkalyq búdjettiń atqarylýyn baqylaý jónindegi esep komıtetiniń tóraǵasy:

- Ia govorú, ıa takıe veshı kommentırovat ne mogý potomý chto mne podrobnostı ne ızvestny.

30 depýtat 15 kúnde el búdjetiniń 8 mıllıonyn jumsap, «Pekın palasta» jatyp qaıtqanyn bilesizder. Biraq áýel basta bul «jaılylyq» úshin memleket 8 mıllıon emes, 51 mıllıon teńge bergen. Muny BAQ jarysa jazǵan bette, parlament sharýashylyǵy 43 mıllıondy qaıtaratynyn aıtyp aqtalǵan. Alaıda shyǵyn esebinsiz qarjynyń qazynadan bólinip ketkeninen quziretti organdar esh ábestik kórmeıdi.  

- My kak ýpolnomochennyı organ ne vıdım nıchego protıvozakonnogo.

Jańadan qurylǵan memlekettik qyzmet ister mınıstrligi parlamenttiń «satyp-alýynan» «shıkilik» kórmegenimen, ózge sheneýnikter arasynda tenderden jegender jetedi dep otyr. Al jalpy jyl basynan beri 3,6 mıllıard teńgeni jedi degen sheneýnikterge úkim shyqqan. Myńnan astam qylmystyq is boıynsha búdjet kórgen shyǵynnyń jartysy ǵana qaıtarylypty. Al Qazaqstan jemqor elder arasynda 123 oryndy alyp tur.