1966 jyly 20 jeltoqsanda Úrimji qalasynda týǵan. Ákesi Jálel jas kezinde Úsh aımaq tóńkerisine qatysyp, ulttyq armıa qatarynda bolǵan. Sheshesi Bátıma Qapyshqyzy da joǵary mektep bitirgen soń,Úrimji, Fýkań, Manas óńirlerinde memlekettik qyzmette boldy.

Jasarat 1985-1990 jyldar aralyǵynda  Shyńjań medısına ınstıtýtynda bilim aldy. Keıin medısına ýnıversıtetinde uzaq jyl qyzmet jasap,  medısına ǵylymynyń doktory dárejesine deıin kóterildi. Qazir Shyńjań avtonomıasynyń súıek aýrýlaryn zertteý ortalyǵynda  qozǵalys medısınasyn zertteý bóliminiń meńgerýshisi mindetin atqarýda. Sonymen birge Shyńjań dástúrli qazaq medısınasy qoǵamynyń alqasy.

Ol uzaq jyl shatyrshaly ókshe súıekti jalǵaý ádisin zerttep, aıtýly nátıjelerge qol jetkizdi. Búgingi tańda bul jetistik qytaı medısınasynda keńinen paıdalanylýda. Atalmysh taqyrypta 15 ǵylymı maqala jarıalady. Onyń ishinde «Factors influencing the tensile strength of repaired Achilles tendon A biomechanical experiment study» degen maqalasy halyqaralyq beldi jýrnal SCI-da jaryq kórdi.

Jasarat Jáleluly óz ónerin ushtaı túsý úshin, Beıjiń qozǵalys medısınasyn zertteý ortalyǵy Shanhaı Hýashan emhanasynyń súıek bólimi, Shanhaı ýnıversıteti bıodınamıkalyq zertteý orny, Shanhaı Fýdan ýnıversıteti bıomedısına zertteý orny, Gýańjoý Juńshan ýnıversıteti  molekýlalyq bıologıany zertteý orny syndy ǵylymı-zertteý ortalyqtarynan tájirıbeden ótti.

2009 jyly Shyńjań medısına ýnıversıtetiniń tańdaýly ǵylymı qyzmetkeri bolyp baǵalandy; 2010 jyly Juńhýa medısına qoǵamynyń 12 kezekti súıek aýrýlary ǵylymı talqy májilisinde jáne 5 kezekti halyqaralyq COA ǵylymı talqy jınalysynda syılyq alǵan.

Ǵylymı maqalalary:

«Taramystyń úzilýine klınıkalyq jaqtan dıagnoz qoıýdyń barysy», «Taramysty jalǵaýǵa qajetti materıaldardyń klınıkalyq máni», «Jasy jetip aljýdyń ereksheligi jáne dárimen emdeýdiń túıinderi», «Úzilgen taramystyń saýyǵý barysyndaǵy dınamıka men bıologıalyq áser», «Úzilgen taramysty jalǵaý ádisiniń klınıkalyq qoldanylý quny jónindegi zertteý», «Qazaq shıpagerligi jáne súıek aýrýlary», sonymen qatar

«Synyqty otamen saýyqtyrý», «Shyńjańdaǵy qazaq ultynyń ósimdikti kádege jaratýyna aıaldaǵanda», t.b. 18 ǵylymı maqalany basqalarmen birigip jazǵan.