Arab álemimen Mońǵol eliniń arasynda  dostyq kópir bolǵan tulǵa. Monǵoládaǵy qazaq jastarynyń shetelde oqýyna múmkindik týdyryp otyrǵan ultjandy azamat. Saıranyń osy bastamasymen Mońgoládaǵy  qazaq jastary álemdik úzdik oqý oryndarynan bilim alýda. Sondaı-aq, «tirige namaz, ólige janaza buıyrmaı» qalǵan zamanda Islam elderinen dinı kadyrlar daıyndatyp, meshit saldyryp, Mońǵolıadaǵy ıslam dininiń qanat jaıýyna barynsha atsalysqan da osy Sákeń. 1988 jyldan beri Mońgolá qazaqtaryna qajy paryzyn óteýine jol ashyp, tıisinshe qarajat jaǵynan da kómektesip, úlken saýapty isterge muryndyq boldy.

Ol ulttyq sporttyń damýyna da aıryqsha den qoıǵan atymtaı azamat. Qazaqtyń saıat ónerin álemge pash etý maqsatynda Ulanbatyrdyń ortalyǵynda arnaıy shara uıymdastyryp, tipti, Arab elinede Altaıdyń qusbegilerin aparyp,   saıat óneriniń abyroıyn asqaqtqan ıgi isterin eli maqtanyshpen aıtady.                              Saıran Qadyr 1990-2000 jyldar aralyǵynda  parlament depýdaty boldy. 1997 jyly Mońǵoldyń alǵashqy Prezıdenti P.Ochırbattyń jarlyǵymen  Mońǵol elinen Egıpet, Arab Resbýlıkasyna  Tótenshe  jáne Ókiletti elshi retinde taǵaıyndaǵan. Ol ilgerindi-keıindi Izraıl, Katar, Kýbeıt, Oman, Bahreın, Emıratta Tótenshe jáne Ókiletti elshi bolyp qyzmet atqarǵan. Prezıdent N.Enhbaıar kezinde Prezıdent janyndaǵy dinı keńes múshesine, sondaı-aq  Arab elderine Prezıdenttiń erekshe tapsyrmasyn oryndaıtyn ýákili bolyp taǵaıyndalǵan. Saıran Qadyruly qazir Kýveıtte Mońǵol elshisi qyzmetinde.