Jumabek Tursyn, 1986 jyly İle qazaq avtonomıaly oblysy, Kúnes aýdanynda týylǵan. Boıy: 1,72 m. Salmaǵy: 60 kg.

Qytaı eli «Aıbarly jolbarys» ataǵan Jumabek erejesiz tóbelesten 25 ret aqtyq shaıqasqa qatysyp, 25 ret jeńiske jetken. Tek Qytaı «myqtylaryn» ǵana emes Taıland, Ońtústik Afrıka elderiniń de  sport sheberlerin tize búktirgen. Ol týraly qytaı jýrnalıseri bylaı dep jazady: « Ol dene bitimi kishkene bolǵanymen, naǵyz kúshtiń ıesi. Kóp kezdesýlerde ózinen áldeqaıda deneli qarsylastaryn tize búktirgen. Jumabek qazaqtyń baıaǵy batyrlaryndaı saıys alańyna shyqqanda kókjal qasqyrdy elestetedi. Ol boks pen kúres tehnıkasyn jetik meńgergen, sondaı-aq tek qara kúshtiń ǵana emes keremet sheberliktiń de ıesi».