Osy jazdan bastap «Keremet kún» otbasylyq-merekelik jýrnaly óz jumysyn bastady. Maqsaty – aǵaıyn-týystyń arasyn jaqyndastyrý, ánshi men shoýdan aqshasyn aıamaıtyn azamattardy aqsha únemdeýge, maǵynaly iske jumsaýǵa shaqyrý. Árıne, odan soń komersıalyq baǵytty kózdeıdi. Onyń da sebebi bar...

Jýrnal toı ıesi týraly tolyq málimetti, otbasynyń, áýletiniń tarıhyn qamtıdy, bala kezden bergi sýretterine, dostarynyń estelikterine oryn beredi. Kez kelgen toı túrine, asqa, áýlet, rý, ıakı ujymnyń tarıhyna arnalatyn basylym ár nómirin bir toıǵa (asqa, rýǵa, t.b) arnaıdy. Shyǵarýshylardyń aıtýynsha, bul bolashaq urpaq úshin estelik bolmaq. Jýrnaldyń urany da osy mándes: «Tarıhty birge tańbalaıyq». Iaǵnı, árbir toı, as – ol áýlettiń tarıhy, ol ornymen qaǵazǵa tússe, keleshek urpaq úshin qundy jádiger bolady.

Jáne jýrnaldyń taǵy bir artyqshylyǵy, keıingi kezde kóptep jaryq kórip jatqan áýlettik kitaptarǵa qaraǵanda áserli de tıimdi. Sebebi, mátinniń sapasy joǵary bolady, ári sýrettermen kórkemdeledi. Toıda, asta taratýǵa yńǵaıly, qyz jasaýyna qosýǵa bolady. Baǵasy da ánshilerge beriletin aqshadan qymbat emes.

Jýrnal týraly bastama kótergen azamattar osyǵan deıin ártúrli ulttyq baǵyttaǵy jobalar bastaǵanyn, biraq qarajat máselesi shelmegendikten, jumystary oıdaǵydaı júrmegenin aıtady. Endi osy «Keremet kún» sol jobalarǵa demeýshi bolýy tıis.

«Keremet kún» jýrnaly memlekettik tirkeýden ótip, kýálik alǵan, ıdeıasy ıesine tirkelip, rásimdelgen. Barlyq quqyqtary qorǵalǵan.