Jer komısıasynda aıtylyp jatqan ótkir syn men shynaıy shyndyqty estigende ótken ǵasyrda Qytaı elinde ótken «Saıratý naýqany» eske túse beredi. Mao «Gúl bitken ashylsyn, Qus bitken saırasyn» dep urandatyp, demokratıalyq ashyqtyqqa birshama keńdik bergen ǵoı. Árıne, mundaı kezde zıaly qaýym, ǵalymdar, jazýshylar únsiz qalsyn ba, japa-tarmaǵaı jamyraǵan ǵoı. Eldegi múshkil jaǵdaıdy aıtady, Batys elderinen artta qalǵan mesheýlikterin áshkereleıdi, qysqasy, jańasha damýdyń barlyq jaılaryn jiti talqylaıdy ǵoı.

Bárin tyńdap, tolyq aqparat alyp bolǵan soń Mao úkimeti «Saıraǵannyń bári bulbul emes, ishinde qarǵa-quzǵyn da bar. Ashylǵannyń bári gúl emes, arasynda aram shóp te bar. Solardan elimizdiń baý-baqshasyn tazartaıyq» degen maǵynada taǵy bir úndeý tastap kep jiberedi. Al, sonymen «mádenıet tóńkerisi» lap qoıady. Demokratıalyq kózqarastaǵy ozyq oıly ǵalymdardy jas «qyzyl jasaqshylar» úılerinen, kabınetterinen, kafedralarynan aıdap shyǵyp, qoldaryna soqa, tese, kúrek ustatyp aýyr jumysqa salǵan. Ondaǵysy, saıraǵanyńdaı endi jumys iste degendi meńzegenderi bolsa kerek. Osylaısha, eldi oırandap, zıalysyz qaldara jazdaǵan. Jańylmasam, sol tusta keıin uly reformator bolǵan Den-Sáo-Pın (Dyń-SHoý-Pıń) de abaqtyǵa túsip aýyr jumysqa jegilgen.

Jerkomnyń aqyrǵy nátıjesi de solaı bolyp júrmese boldy ǵoı, neshe jerden HHİ ǵasyr dep ózimizdi jubatsaq ta.

Qýandyq Shamahaıulynyń Feısbýktegi paraqshasynan alyndy