Kók aqshanyń qunyn ádeıi ósirip jibergen. Teńgeniń keshe kúni boıy tómen qaraı quldılaýyna kóppen birge kýá bolǵan qarjygerler buǵan aıyrbastaý oryndaryn kinálady. Bırjadaǵy baǵa 350 teńgeni kórsetkenimen, alypsatarlar dollardy 364 teńgege deıin kóterip jibergen bolatyn. Kúlli jurttyń nazaryn qaıta ózine burǵan baǵamǵa baılanysty búgin Ulttyq banktegiler de málimdeme jasady, - dep habarlaıdy Qamshy.kz KTK arnasyna silteme jasap.
Aqsha aıyrbastaý oryndarynyń arany naǵyz endi ashylǵan sekildi. Bırjadaǵy baǵa keshe 350 teńgege deıin kóterilgen kezde, kóshedegi qolma-qol saýda birden 360-qa bir-aq jetti. Bul birazdan beri saýdasy saıabyrsyp, qoly júrmeı qalǵan alypsatarlardyń qoldan jasaǵan aılasy deıdi sarapshylar.
Merýert Mahmutova, sarapshy:
-Dollar saýdasynda keshe orta deńgeıi 352 teńge 1 dollar úshin boldy. Aıyrbastaý pýnkttary ony 359-360-qa deıin kóterip jiberdi. Aıyrbastaý oryndary meniń oıymsha paıdany oılaǵan.
Urymtal sátti utymdy paıdalaǵan satýshylar túnge qarata dollardy tipti 364 teńgege satypty. Al bırjadaǵa qazirgi baǵam - 352. Osyndaı tómen baǵamen valúta alǵandar ústine nebári 2 teńge qosyp satyp jatyr. Al eldiń bas banki ejelgi ádetine salyp, bul joly da baǵamnyń ósýin munaımen baılanystyrdy.
Ádil Muhamedjanov, QR UB Monetarlyq operasıalar departamenti dırektorynyń orynbasary:
-«Aǵymdaǵy jyldyń shildesinde munaı baǵasynyń tómendeýi, munaı ónimderi naryǵyndaǵy usynys kóleminiń ósýi, AQSH-taǵy munaıdyń jetkilikti qory týraly derekterdiń jarıalanýy, sondaı-aq AQSH-taǵy burǵylaý uńǵymalary sanynyń ulǵaıýy - 2016 jylǵy 26 shildede teńgeniń 350.2 deńgeıge deıin álsireýine sebep boldy.»
Ulttyq Banktiń tilshilerge taratqan tildeı paraǵynda qaıta-qaıta qunsyzdanyp, senimnen jurdaı bolǵan valútaǵa qatysty jubatarlyq jaıt joq. Óıtkeni, ekonomıkanyń jalǵyz arqasúıeri - óndelmegen munaı óndirisi de birshama tómendegen.
Bir jyldyń ishinde Brent markaly munaıdyń ortasha baǵasy álemdik naryqta 22,2%-ǵa tómendep,maýsym aıynda 48,5$ qurady. Taý-ken óndirý salasynda óndiristiń kólemderi 2016 j. qańtar-maýsymynda 2015j. qańtar-maýsymymen salystyrǵanda naqty kórsetkishte 3,4%-ǵa tómendegen. Bul teńgeniń aıyrbastaý baǵamynyń álsireýine sebep boldy.
Eksporttyń biraz bóligi Eýroodaq elderine jetkiziletindikten, ekonomıkamyz ondaǵy ahýalǵa da tikeleı táýeldi eken. Biraq ondaǵy jaǵdaı da ázirshe máz emes deıdi Ulttyq banktegiler. Degenmen, sarapshylar aldaǵy ýaqytta teńgeniń aıtarlyqtaı álsiremeıtinine senimdi. Óıtkeni, ishki naryqtaǵy qatysýshylar qalaı degenmende ózara teńgemen esep aıyrysady.
