Almatyda bir ózi 8 adamdy jaralap, alty adamdy atyp óltirgen Rýslan Kúlikbaev, osyǵan deıin jasaǵan qylmystary úshin, jazasyn óteý kezinde eki márte ıne, bir ret temir jutyp, ózin-ózi óltirýge áreket jasaǵan kórinedi. Alaıda, ony túrme qyzmetkerleri qutqaryp qalǵan. Bul týraly Kúlikbaevtiń áıeli Aıaýlym Úmbetqulova málimdedi, - dep habarlaıdy Qamshy.kz 31-arnaǵa silteme jasap.
Aıaýlym Úmbetqulova, Rýslan Kúlikbaevtiń áıeli:
- Esimde bir jylap aıtyp bergeni. Men túrmede qatty qıynshylyq kórdim dedi. Eki ıne juttym dedi. Bir ınemdi aldy dedi. Operasıamen bir ınesin aldy dedi. Bireýi ishinde. Kvartırada sońǵy ret turǵanymyzda talaı skoryı shaqyrǵanbyz. Júregi qysylyp demala almaı qalatyn.
Tipti, Aıaýlym Úmbetqulova, óziniń bul sóziniń dáleli retinde - Kúlikbaevtiń denesinde bir otadan qalǵan tyrtyq baryn aıtady. Iaǵnı, aınalasy jarty saǵattyń ishinde qolynda qarýy bar qanshama polıseıdi atyp óltirgen kúdikti, bul qandyqol qylmysynyń josparyn túrmede otyryp qurǵan ba? Polısıa qyzmetkerlerin óshpendilikpen óltiretindeı, kúdiktiniń túrmede qandaı qıyndyq kórýi múmkin? Eger ol kek alýdy kóksese, oǵan lańkestiktiń qandaı qatysy bar? Al, Rýslan Kúlikbaevtiń aldymen ózin óltiretinin eskertip, artynsha arnaıy baryp atyp óltirgen jeńil júristi qyz kim?
