Ushaq pen jolaýshylar avtobýsynyń soqtyǵysqany týraly vıdeony Feısbýk jelisinde Janat Ernst degen qoldanýshy jarıalady, - dep habarlaıdy Qamshy.kz.
«Almaty-Qapshaǵaı tas jolynda kele jatyp SÝ-27 men avtobýstyń soǵylǵanyna kýá boldyq», - dep jazady qoldanýshy.
Almaty oblystyq İİD apattyń Almaty-Óskemen tas jolynda bolǵanyn rastady.
«Apat Qapshaǵaı qalasynyń soltústik ótkeli ýchaskesinde bolǵan. Atalǵan fakt Qapshaǵaı qalasy İİB aqparattardy tirkeý jýrnalyna tirkeldi», - deıdi İİD baspasóz qyzmeti.
Qorǵanys mınıstrligi ushaqtyń daıyndyqqa arnalǵan maket ekenin, ony tasymaldaý kezinde apat bolǵanyn habarlady.
«Kamaz kóligimen SÝ-27 joıǵysh ushaǵynyń maketi Taldyqorǵan-Jetigen baǵytynda tasymaldanǵan. Úsh Kamaz kóliginen turatyn lekti áskerı avtomobıl polısıasy ertip júúrgen. Almatydan 60 shaqyrym jerde jol jóndeý jumystary júrip jatqan. Azamattyq avtobýspen soqtyǵysý oqıǵasy oryn aldy. Apat saldarynan zardap shekkender joq. Avtobýstyń artqy kórinis aınasy qıraǵan. Bizdiń tarapymyzdan ereje buzýshylyq bolmady», - dep habarlaıdy Qorǵanys mınıstrliginiń baspasóz qyzmeti.
