Islam ǵulamalary: «Ǵalymnyń jáne Taqýa adamnyń qyzmeti beseý: «Eger ol  Allany esine alsa – maqtanady, ózin esine alsa – tómen bolady; eger Allanyń aıattaryna qarasa – ǵıbrat alady, kúnáǵa nemese shahýatqa nıet etse – ózin odan alyp qashady; Allanyń keshirýshi ekenin oılasa – qýanady, kúnálaryn oılasa – Alladan jarylqaý surap táýbe etedi». Faqıh Ábý Láıs Samarqandı - Mýǵammardan, Zýhrııdan rıýaıat etedi: «Bir kúni hazireti Omar r.a. Alla elshisiniń ﷺ quzyryna jylap keldi. Paıǵambar ﷺ: «E, Omar nege jylaısyń?» dep surady. «Ia, Rasýlýllah, kóshede bir jigit meniń júregimdi kúıdirdi» dedi Omar r.a.. Paıǵambar ﷺ: «Ol jigitti meniń aldyma alyp kel»,- dep buıyryp, álgi jigit kelgende – «Seni ne jylatyp jatyr, o jigit» dep surady. Jigit: «Men Allanyń azabynan qorqamyn» dedi. Paıǵambar ﷺ: «Allaǵa serik qostyń ba?» dep suraǵanda «Joq» dedi álgi jigit. «Jazyqsyz adam óltirdiń be?» dep saýal qoıdy Alla elshisi ﷺ. Taǵy da «joq» degen jaýap berildi. Sonda Alla elshisi ﷺ: «Álbette, Alla Taǵala seniń kúnálaryńdy keshiredi, eger osy kúnáń jeti qabat aspandaı, jeti qabat jerdeı, bıik taýlardaı bolsa da», - dedi. Jigit: «Eı, Allanyń elshisi, meniń kúnám osylardan da úlken» dedi. Sonda Paıǵambar ﷺ: «Seniń kúnáń «Kúrsiden» de aýyryraq pa?» dep surady. Jigit: «Odan da aýyryraq» dedi. Alla elshisi ﷺ: «Arshydan da aýyryraq pa?» dep surady. Jigit taǵy da «odan da aýyryraq» dep jaýap qatty. Sonda Alla elshisi ﷺ: «Ne kúná istediń? Maǵan aıtshy» dedi. Jigit: «O, Alla elshisi, men Sizden uıalamyn» dedi. Paıǵambarymyz eki márte suraǵan soń, jigit istegen kúnásin bylaı dep aıtqan eken: «Ia, Rasýlýllah», men jeti jyl boıy qabirlerdi ashyp, kebinderdi alýmen shuǵyldandym. Bir kúni Madınalyq qyzdardyń biri qaıtys boldy. Onyń qabirin ashtym da, ony kebinnen shyǵaryp aldym. Az ǵana ýaqyt ótpesten shaıtan nápsimdi jeńip, sol qyzben qosyldym. Sol ýaqytta qyz turyp. «Saǵan Allanyń azaby bolsyn, eı jigit. Qıamet kúni Alladan uıalmaısyń ba? Sol kúni úkim úshin amalyń tarazyǵa qoıylady, zábir kórgenderge zalymdardan aqysy alynady. Bul ólikter Otanynda (qabirstanda) meni jalańash tastap ketip barasyń. Allanyń qudireti aldynda meni júniptik kúıge túsirdiń»,-dedi». Bul jaýapty estigen Paıǵambar ﷺ ornynan qarǵyp turyp, jigitti jelkesinen ustap turyp, ıterip jiberedi de: «Eı, buzyq, seniń tozaqqa kirýińe munshalyqty kúnáń bar eken, meniń aldymnan ket» deıdi. Jigit Alla Taǵalaǵa 40 kún boıyna táýbe etip shyǵady. Qyryq kúnnen soń: «Eı, Muhammedtiń, Adam ata men Haýa anamnyń Rabbysy, eger meni keshirseń Muhammed pen onyń sahabalaryna bildir, eger bildirmeseń aspannan ot jiberip, meni órte jáne aqyret azabynan qutqar» dep duǵa etti. Jábireıil ǵ.s. Paıǵambarymyzdyń ﷺ aldyna kelip, sálem berip: «Rabbyńyz Sizge sálem aıtty jáne Alla Taǵala Sizden: «Búkil álemdegi maqulyqty sen jarattyń ba?» dep suraıdy», - dedi. Paıǵambarymyz ﷺ: «Joq, meni jáne barsha maqulyqty Alla jaratty», - dedi. Jábireıil ǵ.s.: «Rabbyńyz: «Olarǵa rızyqty sen berdiń be?» dep suraıdy», - dedi. Paıǵambar ﷺ: «Olardy jáne meni Alla rızyqtandyrdy». Jábireıil ǵ.s.: «Rabbyńyz: «Olardyń táýbesin sen qabyl etesiń be?» dep suraıdy», - dedi. Paıǵambar ﷺ: «Meniń de olardyń da táýbesin Alla qabyl etedi»,- dedi. Sonda Jábireıil perishte: «Rabbyńyz ol pendeniń táýbesin qabyl ettim» dedi»,-deıdi. Osydan soń Alla elshisi ﷺ álgi jigitti shaqyryp alyp: «Alla Taǵala seniń kúnáńdi keshirdi jáne táýbeńdi qabyl etti», - deıdi. Osy hadıs jaıynda Ábý Láıs Samarqandı aıtady: «Bul habarǵa aqyly bar adam óte qatty mán berýi kerek. Álbette ólikpen oınastyq qylǵannan tirilermen oınastyq qylý aýyryraq kúná. Óıtkeni, Alla Taǵala táýbesi haqıqı ekendigin kúnásin keshirgendigin jigitke bildirdi. Al, bizdiń táýbemiz qabyl ma? Kúnámiz keshirildi me? Biz bilmeımiz ǵoı!», - degen.

Erbol Tóltaev

Balqash qalalyq ortalyq meshittiń bas ımamy

ihsan.kz saıtynan alyndy.