Qazirgi zamanda saıası elıta, jýrnalısik qaýymdastyq jáne kásibı saıasattanýshylardyń múddesi tyǵyz da tıimdi ushtasatyn balamany tabý qıyn, sirá. Áńgime Eýrazıa Medıa Forýmy (EAMF) jaıynda. Forým 24-25 sáýirde Astana qalasynda osymen on ekinshi ret ótkeli otyr. 

Sóz joq, bul - ortalyq-azıalyq teńdessiz alań. Onyń ereksheligi jetekshi saıasatkerler men saıasattanýshylar, jýrnalıser, qoǵam qaıratkerleri men ózge de sarapshylardyń álemdik deńgeıdegi áleýmettik-ekonomıkalyq jáne geosaıası máselelerge túrlishe pikir-kózqarastaryn bildirýinde.  Osyndaı formattyń arqasynda konferensıa halyqaralyq túıtkilderdi talqylap,  sheshim qabyldaýda tıimdi platforma qalyptastyrýǵa qol jetkizdi.

Dıalogtyń mundaı túrin Qazaqstannyń usynýy kezdeısoq emes. Eýrazıa kindiginde ornalasqan Qazaqstan geografıalyq jáne tarıhı jaǵynan túrli ulttar men mádenıetterdiń dıalog quryp, ózara beıbit áreket etetin alańyna aınalǵany anyq. Dál osy jerde EAMF Uıymdastyrý komıtetiniń tóraıymy Darıǵa Nazarbaevanyń bastamasymen dóńgelek ústel aınalasynda sarapshy qaýymdastyǵynyń álemdik kóshbasshylary bas qosyp, ekonomıkalyq jáne geosaıası máseleler boıynsha talqylaý alańyn usynýǵa múmkindik týdy.

Qazaqstannyń syrtqy saıasaty ashyq, ózara tıimdi yntymaqtastyqqa, máselelerdi kelisim jolymen sheshý qaǵıdalaryna súıenedi. Kóp baǵyttylyq pen teń quqyly yntymaqtastyqqa negizdelgen Qazaqstannyń syrtqy saıası doktrınasy tepe-teńdiki saqtaý qaǵıdasymen quryldy. Seriktes elder Qazaqstan bastamalary men qadamdary transparentti ekenine áldeqashan kóz jetkizgen. Ol basqa memleketterdi syılaı biletin, sonymen birge óz múddesin qorǵaıtyn senimdi seriktes. Ol yntymaqtastyqqa árqashan daıyn.

Ádettegideı, Hİİ Forým qatysýshylarynyń basty nazarynda – qazirgi zamannyń eń ótkir, eń ózekti máseleleri. Olardyń ishinde: úshinshi dúnıejúzilik soǵysqa alyp keletin qaýip-qater faktorlary jáne jańa álemdik tártipti qurýǵa shaqyratyn balama senarı; álemdik daǵdarys jáne onyń saldary; jahandanýdy álemdi jańasha bólýdegi qubylys retinde qarastyrý jáne ony júzege asyrý boljamdary.

Aldaǵy Forýmda Reseı men Batystyń teketiresine sebepshi bolǵan Ýkraınadaǵy daǵdarysqa jáne Batystyń Shyǵysqa baǵyt alýyna aıryqsha kóńil bólinedi.

Sondaı-aq ózektiligin joǵaltpaǵan taqyryp – Taıaý Shyǵystaǵy shıelenis pen aımaqtaǵy kúshterdiń arasalmaǵy. Bul joly – Sırıadaǵy ahýal sóz bolmaq. Oǵan qatysty saýaldar ashyq ta ótkir: nelikten Sırıa  alyp derjavalardyń qolyndaǵy saýda quralyna aınaldy jáne kúrmeýdi sheshý tizgini kimniń qolynda?

Irannyń ıadrolyq baǵdarlamasy monıtorıńi jáne jeńgender men jeńilgender týraly saýalǵa jaýap izdeý. Dál Qazaqstannyń aralasýymen ıadrolyq klýb elderi Iran máselesinde dıplomatıalyq sheshimge keldi. Alaıda saıası arenadaǵy ıadrolyq «oıyndarǵa» núkte qoıyldy ma?

Eń sońynda, tuzdyq retinde – medıa ishindegi máseleler qaralady. Eldik pıar – oǵan kimniń múddeli ekenin aıqyndaý turǵysynan. Arhıtektýra, ekonomıka, tehnologıa. Sondaı-aq «glamýr» syrqatyna ushyraǵan medıa-keńistik, bolashaqtaǵy ınternet-tehnologıa jańalyqtaryna qatysty boljam.