Joǵary oqý oryndaryna tyqyr taıandy. Bıyl Ýnıversıtet atyn jamylǵan bilim berý oshaqtarynyń birsypyrasy jabylyp, memlekettik oqý oryndaryna qoıylatyn talap kúsheıtilmek. Muǵalimderdiń teń jartysy qaıtadan arnaıy daıarlaýdan ótedi. Bul jóninde Baqytjan Jumaǵulov búgin, úkimet saǵatynda jasaǵan baıandamasynda aıtty. Sondaı-aq, bilim berýdiń jańa úlgisin engizdik degen mınıstr, budan bylaı aǵylshyn tili birinshi synyptan bastap úıretile bastaıdy,- dep súıinshiledi. Jumaǵulovtyń bul jolǵy baıandamasynyń úlgisi úsh tilge negizdeldi. Mınıstdiń sózinshe, bilim deńgeıin arttyrý úshin, aǵylshyn tili 1-synyptan bastap úıretiledi endi. Joǵary oqý oryndarynyń barlyǵynda, shet tilinde bilim beretin arnaıy bólimder ashylady. Sondaı-aq, birsypara muǵalim jumyssyz qalýy múmkin bıyl. Kezinde lısenzıany ońdy-soldy taratqan mınıstrlik ýnıversıtetterdiń qısapsyz ósýi bilim berýdiń sapasyna keri áserin tıgizetinin endi túsinse kerek. 30 birdeı joǵary oqý ornynyń jumysyn toqtatyp, sannan sapaǵa aýysamyz dedi. Biraq, Jumaǵulov myrza, daý-damaımen aıaqtalǵan test kezinde qyzdardyń ishkıimine deıin teksergen mamandardyń soraqy áreketine kóp toqtalǵysy kelmedi. Synaqtyń qatańdyǵyn aıtyp baıbalam salǵansha, ata-analardyń "shpargalka" tasyǵanyn nege aıtpaısyńdar dep jýrnalıserdiń ózine tıisti tipti.

BAQYTJAN JUMAǴULOV, BİLİM JÁNE ǴYLYM MINISTRİ: -Máselen Ońtústik Qazaqstan oblysynda ata-analar týystary synaq kezinde terezeni syndyryp tastaǵan. 12-den keshki tórtke deıin, balalarynyń qasynda otyrǵan, esepti birge sheship. Ótken jyly tipti, Máskeý-Almaty baǵytyndaǵy poıyzdyń jolyn jaýyp tastaǵan. Bilim mınıstrligi aıtylǵan syn, túrli daýǵa qaramastan synaqtyń óz deńgeıinde ótkenin aıtýdan jalyqpady. UBT-nyń kórsetkishi óte tómen bolsa da. Ortasha baldyń ózi bar bolǵany 70. Iaǵnı, respýblıka boıynsha túlekterdiń úshten biri joǵarǵy oqý ornyna túse almaıdy. «Altyn belgige» úmittilerdiń kóbi de ustazdarynyń senimin aqtaı almapty. Elimiz boıynsha, 125 baldy tek úsh-aq oqýshy ıelengen.

DARIǴA NAZARBAEVA, QR MÁJİLİS DEPÝTATY: -Meniń oıymsha, tártip tym qataldatyp jibergen sıaqty. Olar áli bala ǵoı. Kim bolsa da, júıkesi syr berip, abdyrap qalady. Árıne, janyń ashıdy. Qazirgi túlekterge qaraǵanda, biz áldeqaıda baqytty ekenbiz buryn bitirip ketken. Úkimet saǵatynda muǵalimderdiń jalaqysy da nazardan tys qalmady. Eńbekaqy 2-3 esege kóteriledi. Tek 2015-jylǵa qaraı. Oǵan deıin 120 myń muǵalim, qaıta daıarlaýdan ótedi.

Úkimet saǵatynda muǵalimderdiń jalaqysy da nazardan tys qalmady. Eńbekaqy 2-3 esege kóteriledi. Tek 2015-jylǵa qaraı. Oǵan deıin 120 myń muǵalim, qaıta daıarlaýdan ótedi.

"31" telearna