Aǵymdaǵy jyldyń 6 aqpany kúni Túrki mádenıeti jáne murasy qorynyń uıymdastyrýymen jáne Túrki Akademıasynyń qoldaýymen akademık Darhan Qydyráliniń «Tasqa jazylǵan tarıh» atty kitabynyń ázerbaıjan, túrik jáne qyrǵyz tilderindegi basylymdarynyń, sonymen qatar orys tilinde jaryq kórgen «Túrkskıı mır: cherez prızmý ıstorıı», túrik tilinde shyqqan «Kod adı Türkistan: Mustafa Çokay» derekti-ǵumyrnamalyq kitaptarynyń tusaýkeser rásimi ótti.

Astana qalasyndaǵy Qazaqstan Respýblıkasynyń Ulttyq akademıalyq kitaphanasynda ótken alqaly jıynǵa Túrki mádenıeti jáne murasy qorynyń prezıdenti Aqtoty Raıymqulova, Ázerbaıjan Respýblıkasynyń mádenıet mınıstri Adıl Karımlı, Qyrǵyz Respýblıkasy Prezıdentiniń keńesshisi Aslan Koıchıev, Qazaqstan Respýblıkasy Prezıdentiniń keńesshisi Baýyrjan Omarov, Azıa keńesiniń bas hatshysy Qaırat Sarybaı, Qyrǵyzstan, Majarstan, Túrkıa, Túrikmenstan, Ózbekstan Respýblıkalarynyń Tótenshe jáne ókiletti elshileri, QR Prezıdenti Ákimshiliginiń, Syrtqy ister mınıstrliginiń, Ǵylym jáne joǵarǵy bilim mınıstrliginiń, Mádenıet jáne aqparat mınıstrliginiń, TURKSOY halyqaralyq uıymynyń ókilderi, QR Parlamenti Senaty men Májilisiniń birqatar depýtattary, memleket jáne qoǵam qaıratkerleri, ǵalymdar men zıaly qaýym ókilderi qatysty.

Jıynda kirispe sózimen ashqan Túrki mádenıeti jáne murasy qorynyń prezıdenti Aqtoty Raıymqulova akademık Darhan Qýandyqulynyń túrki dúnıesine ortaq baı murany zerttep-zerdeleý, saqtaý isterine jáne baýyrlastyq baılanystardy nyǵaıtýǵa qosqan zor úlesine toqtaldy.

Sonymen birge basqosýda sóz alǵan memleket jáne qoǵam qaıratkeri Myrzataı Joldasbekov, Ázerbaıjan Respýblıkasynyń mádenıet mınıstri Adıl Karımlı, Qyrǵyz Respýblıkasy Prezıdentiniń keńesshisi Aslan Koıchıev, Azıa keńesiniń bas hatshysy Qaırat Sarybaı, memleket jáne qoǵam qaıratkeri Ádil Ahmetov, Qazaqstan Respýblıkasy Prezıdentiniń keńesshisi Baýyrjan Omarov, L.N. Gýmılev atyndaǵy Eýrazıa ulttyq ýnıversıtetiniń rektory Erlan Sydyqov, TÚRKSOI uıymy Bas hatshysynyń Qazaqstandaǵy keńesshisi, akademık Kárimbek Qurmanalıev, Nazarbaev ýnıversıtetiniń profesory Iýlaı Shamıloǵlý, belgili baspager Shyńǵys Muqan oqyrmanǵa jol tartqan jańa kitaptar týraly oramdy oılaryn ortaǵa salyp, paıymdy pikirlerimen bólisti.

Túrki mádenıeti jáne murasy qory jaryqqa shyǵarǵan akademık D.Qydyráliniń «Daşa yazılan tarih» (ázerbaıjan tilinde) kitabyna avtordyń baıyrǵy bahadúr babalar tarıhynyń tereńinen syr tartatyn, jalpy túrkologıadaǵy alýan taqyrypty arqaý etken ǵylymı jáne ǵylymı-tanymdyq maqalalary toptastyrylǵan.

Osy kitaptyń qyrǵyz tilindegi basylymy sanalatyn «Tashka jazylgan taryh» kitaby da túbir bir túrki jurtynyń tarıhyn qazirgi zaman turǵysynan zerdelep, tuǵyrly tulǵalarymyzdy jan-jaqty tanı túsýge jol ashatyn, ǵylymı jańalyǵy mol eńbek. Aıta ketý kerek, bul basylym Qyrǵyz Respýblıkasy Prezıdenti janyndaǵy Tarıh ǵylymyn damytý komısıasynyń sheshimimen basylyp shyqqan alǵashqy kitap.

Sonymen qatar, eńbektiń Túrki Akademıasy jáne TÚRKSOI halyqaralyq uıymynyń qoldaýymen «Büyük Bozkır: Taşlara Yazılan Tarih» degen atpen jaryq kórgen túrik tilindegi nusqasy da kıeli Ergeneqon, Ótúken jerlerinen tamyr tartatyn ashına dáýirinen bastap, Altyn Orda zamanyna deıingi ortaq tarıhymyzdy qamtyǵan baı mazmunymen erekshelenedi.

Buǵan qosa, oqyrman nazaryna «Mazmundama» baspasy shyǵaryp usynyp otyrǵan «Túrkskıı mır: cherez prızmý ıstorıı» atty kitaby orys tildi oqyrmanǵa túrki tarıhy men tulǵalary týraly tanym-túsinikterin aıqyndaı túsýine múmkindik beretinimen mańyzdy.

Akademık D.Qydyráliniń atalǵan jıynda tanystyrylǵan «Kod adı Türkistan: Mustafa Çokay» atty derekti ǵumyrbaıandyq kitaby buǵan deıin de birneshe tilde jaryq kórip, oqyrman tarapynan óz baǵasyn alǵan týyndy. Bul joly túrik oqyrmandardyń suranysymen Ankaradaǵy «Bengü» baspasynan qaıta basylyp shyǵyp otyr.