Jambyl oblysynda sot qos azamattyq úshin aıyppul taǵaıyndady, dep habarlady oblystyq baspasóz qyzmeti. Turar Rysqulov aýdandyq soty QR azamattyq týraly zańnamasyn buzý boıynsha isti qarady.
"2025 jyldyń sáýir aıynda aýdan polısıasy er adamnyń Reseı Federasıasynyń azamattyǵyn jáne tólqujatyn alǵanyn anyqtady. Alaıda ol Qazaqstan Respýblıkasynyń zańnamasynda belgilengen merzimderde shetel azamattyǵyn alý faktisi týraly tıisti organdarǵa habarlamaǵan", - dep jazylǵan habarlamada.
Sot otyrysynda er adam óz kinásin moıyndap, Reseı azamattyǵyn qabyldaý kezinde oǵan Qazaqstan Respýblıkasynyń tólqujatyn jáne jeke kýáligin tapsyrý qajettiligi týraly habarlanbaǵanyn túsindirdi.
Mundaı zańbuzýshylyq úshin 100 AEK mólsherinde aıyppul salý nemese Qazaqstan aýmaǵynan ákimshilik jolmen shyǵaryp jiberý qarastyrylǵan.
Sot qaýlysymen er adam kináli dep tanylyp, oǵan 393 myń teńge mólsherinde aıyppul salyndy.
Qaýly zańdy kúshine endi.
