Qyrǵyzstanda depýtattarǵa jalaqy tóleý toqtatyldy. Alaıda  olardyń ókilettigi áli de saqtalady. Ókilettik tek segizinshi shaqyrylym depýtattary ant berip, óz qyzmetine kiriskennen keıin ǵana toqtatylady.

Joǵarǵy keńestiń baspasóz qyzmetiniń aıtýynsha, bul sheshim aldaǵy saılaýdyń barlyq qatysýshylary úshin ashyqtyq pen teń jaǵdaılardy qamtamasyz etýge baǵyttalǵan.

Osydan keıin parlament depýtattarynyń keńesshileri men kómekshileri jappaı qyzmetten ketti. Mamandardyń aıtýynsha mundaı sheshim aldaǵy saılaýǵa baılanysty qabyldanǵan. 

Buǵan deıin parlamenttik komıtet Joǵarǵy keńestii merziminen buryn taratý týraly bastamany maquldaǵan bolatyn. Depýtattardyń bastamashyl toby sheshim qabyldaý úshin qajetti 32 qol jınady. Bul — saıası tarıhy kúrdeli shaǵyn memleket úshin eleýli synaq bolǵaly tur.