Qonaevtaǵy Abaı kóshesinde birneshe jyldar boıy stıhıalyq saýda orny qalyptasqan.

Qalanyń kelbetin jaqsartý, turǵyn úı alańyn abattandyrý maqsatynda munda skver paıda boldy. Sonymen qatar munda vorkaýt alańy salyndy.

Qapshaǵaı (qazirgi Qonaev) qalasy ákimdiginiń 2022 jylǵy qaýlysymen «Aısha sıtı» bazary stasıonarlyq emes bólshek saýda orny retinde belgilengen. Sol sebepti endi satýshylar osy bazarǵa baryp, kásippen aınalysýy tıis. Jármeńkelik oryndar daıyndalyp qoıǵan.

Qazirgi tańda stıhıalyq saýda oryndarynda reıdtik is-sharalar júrgizilýde. Jyl basynan belgilenbegen orynda saýda satqandary úshin jeke jáne zańdy tulǵalarǵa 2 562 600 teńge aıyppul salynǵan. Sondaı-aq osy taqyrypta aqparattyq bannerler ilindi.

Buǵan deıin satýshylarmen ákimdik ókilderi birqatar kezdesýler uıymdastyryp, mán-jaıdy túsindirdi.

Sonymen qatar shaharda qolaıly orta qurý baǵytyndaǵy «Halyq qatysatyn búdjet» jobasy aıasynda 15 aımaq abattandyrylýda. Jyl sońyna deıin barlyq jobanyń qurylysy aıaqtalady.