Ýkraına prezıdenti Vladımır Zelenskıı Reseı basshysy Vladımır Pýtınmen kezdesýge daıyn elderdi atady. Tizimde Qazaqstan da bar. Bul týraly Ýkraına prezıdenti Fox news arnasyna bergen suhbatynda aıtty.
"Men de, komandam da Túrkıada, Saýd Arabıasynda, Qatarda, Aýstrıa men Shveısarıa sıaqty beıtarap elderde kezdesýdi usyndyq... Qalasańyzdar, mysaly, Qazaqstanda da kezdesýge bolady", – dedi Zelenskıı.
Vladımır Zelenskıı kezdesýdiń Máskeýde ótýine qarsy ekenin jetkizdi. Buǵan deıin Pýtın kelissóz ótkizý úshin Zelenskııdi Máskeýge shaqyrǵan bolatyn. Alaıda Ýkraına basshysy bul usynystan bas tartty.
