Prezıdent Qasym-Jomart Toqaev BUU Bas Assambleıasy 80-shi sesıasynyń Jalpy debatynda Ǵazadaǵy jaǵdaıǵa qatysty pikir bildirdi. Prezıdent daýdy ýshyqtyrǵannan góri dıplomatıaǵa júginýdi jón dep sanaıtynyn aıtty.
"Qazaqstan beıbit turǵyndarǵa orasan zor zalal keltirip, jahandyq senimge selkeý túsirgen jáne halyqaralyq qaýipsizdikti álsiretken Ýkraına aınalasyndaǵy daǵdarysqa alańdaýly. Degenmen atalǵan qaqtyǵysty toqtatý úshin ekijaqty jáne halyqaralyq deńgeıdegi dıplomatıalyq kúsh-jigerdi jalǵastyryp, qos memleket uzaq merzimdi múddelerine saı keletin saıası ıkemdilik kórsetýi kerek", dedi Toqaev.
Sondaı-aq memleket basshysy Gazadaǵy gýmanıtarlyq daǵdarysqa beı-jaı qaraýǵa bolmaıtynyn aıtty.
"Gazadaǵy gýmanıtarlyq daǵdarystyń aýqymy tipti qorqynyshty. Oǵan beı-jaı qaraý múmkin emes. Bul qaqtyǵystyń tarıhı tamyry tym kúrdeli. Biz osy jaýlasýdyń túpki sebebin eskerýsiz qaldyra almaımyz. Qazaqstan áskerı is-qımyldy dereý toqtatýǵa, beıbit turǵyndardy tolyq qorǵaýǵa jáne halyqaralyq gýmanıtarlyq quqyq aıasyndaǵy kómektiń kedergisiz jetýin qamtamasyz etýge shaqyrady", dedi prezıdent.
