Feısbýk áleýmettik jelisinde jýrnalıs Mırbolat Myrzataıulynyń túrmeden jazǵan haty jarıalandy. Hatynda jýrnalıs jazyqsyz jala jabylǵanyn jazǵan. 

«Armysyzdar, aǵaıyn! Maǵan taǵylǵan til tóńiregindegi aıyp - «japtym jala, jaktym kúıe» negizinde kurastyrylǵan dep oılaımyn. Óıtkeni İD áleýmettik jelini saralaǵan bolyp, aıaqasty kurastyrylǵan is ekeni aıdan anyq kórinip tur.

Olardyń paıymdaýynsha, «qazaqsha sóıleý qylmys bolsa», men-aq qylmysker bolaıyn...
«Jýrnalısik zertteýler agenttiginiń» jumysy anasyn satqan, jerin satqan opasyzdarǵa unamaı qalsa kerek. Negizinde olardyń shirik áreketteriniń astarynda sóz bostandyǵyn tunshyqtyrý jatyr.

Ana tilimizdi qoldap, jer-anamyzdy qorǵap túrmege qamalý - túsingen adamǵa úlken abyroı. Zamanynda Alash arystarymyz óz ómirlerin osy jolda qurban etti ǵoı. 1986 jyly jeltoqsanda kóterilgen jastarymyz da sol úshin jan berip, jan alysty.

Keshegi Qańtarda da talaı adam ómirin qıdy. Ne úshin? Mundaı janqıarlyqta bolashaq urpaq óz jerińde, óz tilinde emin-erkin sóılep, baı-qýatty bolsa degen bir ǵana kaǵıda bar sıaqty maǵan. Sondyqtan syn saǵatta meni qoldap kelgen barlyq jeltoqsandyqtar men halyq belsendilerine aıtar alǵysym sheksiz. Kúsh - birlikte!», dep jazdy Mırbolat Myrzataıuly óziniń hatynda. 

Buǵan deıin Mırbolat Myrzataıulynyń 2 aıǵa qamalǵany habarlanǵan. Oǵan Qylmystyq kodekstiń 174-baby, birinshi bóligi boıynsha (áleýmettik, ulttyq, rýlyq, násildik, tektik-toptyq nemese dinı alaýyzdyqty qozdyrý) aıyp taǵylǵan.