Qaıtarylǵan aktıvterdi basqarý kompanıasy Astanadaǵy jyljymaıtyn múlik aýksıonǵa shyǵarylǵanyn málimdedi.

Qaıtarylǵan aktıvterdi basqarý kompanıasynyń málimetinshe, 2025 jylǵy 25 aqpanda saǵat 10:00-de E-Qazyna veb-platformasynda elektrondyq saýda ótkiziledi.

Aýksıon aıasynda Astana qalasy, Nura aýdany, Qaraótkel shaǵyn aýdany, Ereımentaý kóshesi, 1-qurylys mekenjaıynda ornalasqan jertólesi bar turǵyn úı satylymǵa qoıylady. Nysandy satý barlyq qatysýshy úshin teń qoljetimdilikti qamtamasyz etetin ashyq jáne básekege qabiletti sharttarmen júzege asyrylady, - delingen habarlamada.

Ǵımarattyń bastapqy baǵasy - 1 883 338 958 (1,8 mlrd) teńge.

Aýksıon baǵany kóterý formatynda ótedi.

e-auction.e-qazyna.kz kabınetindegi sýretter UQK-nyń Másimov isi boıynsha tergeýdiń keıbir nátıjelerin jarıalaǵandaǵy sýretterimen uqsas.

Eske salsaq, Kárim Másimov 2022 jylǵy qańtardaǵy oqıǵalar kezinde ustaldy.

2023 jylǵy sáýir aıynyń sońynda Astanadaǵy sot Kárim Másimovti memleketke opasyzdyq jasaǵany, bılikti kúshtep basyp alýǵa tyrysqany, bılik pen laýazymdyq ókiletin asyra paıdalanǵany úshin 18 jylǵa bas bostandyǵynan aıyrdy.

Másimov úkimge qarsy shyǵýǵa tyrysty, biraq apelásıalyq saty jaza merzimin ózgerissiz qaldyrdy.