Almaty ınovasıalyq ekonomıkany damytý úshin qolaıly orta qalyptastyrýda. Qalada tehnoparkter, akseleratorlar, IT-ortalyqtar jumys isteıdi. Astana Hub Almaty jasandy ıntellekt, robototehnıka jáne bıotehnologıa salalarynda startaptarǵa mentorlyq jáne qoldaý kórsetedi.

Aldaǵy jyldary 300-ge jýyq perspektıvaly jobany qoldaý, qalalyq ınfraqurylymǵa keminde 15 ınovasıalyq sheshisti engizý josparlanyp otyr. Jeke ınvestısıalar kólemi 100 mln dollardan kem emes.

Ýnıversıtetter – sıfrlyq evolúsıanyń seriktesteri

Almatynyń joǵary oqý oryndary – qalanyń sıfrlyq transformasıasynyń negizgi kadr ortalyǵy. Ál-Farabı atyndaǵy QazUÝ jáne Almatylyq tehnologıalyq ýnıversıtet akselerasıalyq baǵdarlamalarǵa qatysady, zerthanalar ashady, stýdentterdiń ınovasıalyq jobalaryn qoldaıdy.

Bul ýnıversıtetter qalanyń bıznes-ekojúıesimen tyǵyz baılanysta jumys istep, stýdentterge naqty daǵdylar men tájirıbe beredi.

Turǵyndar – sıfrlyq ózgeristerdiń belsendi qatysýshylary

Almatyda sıfrlandyrý – tek tehnologıa emes, turǵyndardyń qatysýy. Qala zamanaýı daǵdylardy úıretýge baǵyttalǵan kýrstar ótkizedi. TUMO Almaty, Tomorrow School sıaqty jobalar jastarǵa baǵdarlamalaý, JI jáne kıberqaýipsizdik salalaryn meńgerýge múmkindik beredi. Umit.kz jáne Open Almaty sıaqty platformalar turǵyndarǵa usynystar aıtýǵa, shaǵym qaldyrýǵa jáne qalanyń damýyna tikeleı áser etýge múmkindik beredi.

Mundaı keshendi kózqaras tehnologıalyq turǵydan saýatty ári belsendi turǵyndardy qalyptastyrady. Olar qalanyń ómirine jan-jaqty qatysyp, bılikpen birlese otyryp ınovasıalyq sheshimderdi engize alady. Bul óz kezeginde Almatyny shyn máninde bolashaqtyń «aqyldy» qalasyna aınaldyrady.