Germanıada jarıalanǵan qupıa qońyraý jazbasynda Fransıa prezıdenti Emmanýel Makron Donald Tramp ákimshiligi Ýkraınaǵa qysym jasap, terıtorıadan bas tartýǵa májbúrleýi múmkin ekenin aıtqan.

Makron Eýropa lıderlerine: “AQSH qaýipsizdik kepildiginsiz Ýkraınany terıtorıa máselesinde satyp ketýi yqtımal”, – dep eskertken.

Eýropa elderi Vashıngtonnyń sońǵy bitim josparyna alańdaýly: AQSH usynǵan 28 tarmaqtyq kelisim Ýkraınanyń baqylaýyndaǵy terıtorıalyq aýmaqtardy berýdi jáne armıa qýatyn shekteýdi talap etedi.

Germanıa kansleri Frıdrıh Mers te Tramptyń arnaıy ókilderi Stıv Ýıtkoff pen Djared Kýshnerdi meńzep: “Olar bizben de, sizdermen de oıyn oınap otyr”, – degen.

Fınlándıa prezıdenti Aleksandr Stýbb: “Ýkraınany bul jigitterdiń qolyna jalǵyz qaldyrýǵa bolmaıdy” dese, ony NATO basshysy Mark Rútte de qoldaǵan.

Bul arazdyq AQSH pen Eýropanyń Ýkraınaǵa qatysty ustanymyndaǵy tereń bólinisti aıqyn kórsetip otyr.