Aýǵanstanda telefon baılanysy buzylyp, ınternet jelisi tolyq óshirildi. NetBlocks monıtorıń qyzmeti bul jaǵdaıdy jurtshylyqtyń ınternetten tolyq qol úzý dep baǵalady. Bul sheshim talıbandardyń kóshbasshysy Hıbatýlla Ahýnzadanyń dástúr-ǵurypty saqtaý negizinde qabyldanǵan desedi.
Internet aýyldarda da, qalalarda da óshirilgen. Sonyń kesirinen bankterdiń, buqaralyq aqparat quraldarynyń jáne ózge de mekemelerdiń jumysy toqtap, áýe reısteri toqtatylǵan.
Aýǵanstan – ınternetti aýyzdyqtaǵan jalǵyz el emes. 2024 jyldyń qorytyndysy boıynsha álemde 50-den astam memlekette ınternet belgili bir kezeńderde nemese tolyqtaı buǵattalǵan. Olardyń qatarynda Soltústik Koreıa, Reseı, Qytaı, Bangladesh, Túrkimenstan da bar.
